56.talaivan kURRu

	UrkkAl n'ivan'ta potumparuL, n'Irk kAl,
	kozu n'izal jAzal mutir iNar koNTu,
	kazuma muTittu, kaN kUTu kUzai
	cuvalmicait tAtoTu tAza, akal mati
5	tIm katir viTTatu pOla, mukan amarn'tu,
	IgkE varuvAL ivaL yAr kol? AgkE, Or
	vallavan taiiya pAvaikol? n'allAr
	uRuppu elAm koNTu, iyaRRiyALkol? veRuppinAl,
	vENTu uruvam koNTatOr kURRamkol? ANTAr,
10	kaTitu, ivaLaik kAvAr viTutal: koTi iyal,
	pal kalai, cil pUg kaligkattaL Igku, itu Or
	n'alkUrn'tAr celva makaL!
	ivaLaic collATik kANpEn, takaittu
	n'allAy! kEL:
15	Ay tUvi anam ena, aNi mayil peTai ena,
	tUtu uN am puRavu ena, tutain'ta n'in ezil n'alam
	mAtar koL mAn n'Okkin maTa n'allAy! n'iR kaNTArp
	pEtuRUum enpatai aRitiyO? aRiyAyO?
	n'uNagku amait tiraL ena, n'uN izai aNai ena,
20	muzagku n'Irp puNai ena, amain'ta n'in taTa men tOL
	vaNagku iRai, vAl eyiRRu, am n'allAy! n'iR kaNTArkku
	aNagkAkum enpatai aRitiyO? aRiyAyO?
	mutir kOgkin mukai ena, mukam ceyta kurumpai ena,
	peyal tuLi mukiz ena, perutta n'in iLa mulai
25	mayir vArn'ta vari munkai maTa n'allAy! n'iR kaNTAr
	uyir vAgkum enpatai uNartiyO? uNarAyO?
	ena Agku,
	pEtuRRAy pOlap piRar evvam n'I aRiyAy,
	yAtu onRum vAyvALAtu iRan'tIvAy! kEL, ini:
30	n'Iyum tavaRu ilai; n'innaip puRagkaTaip
	pOtara viTTa n'umarum, tavaRu ilar;
	n'iRai azi kol yAnai n'Irkku viTTAgku,
	paRai aRain'tallatu cellaRka! ennA
	iRaiyE tavaRu uTaiyAn

57.talaivan kURRu

	vEy enat tiraNTa tOL, veRi kamaz vaNar aimpAl,
	mA venRa maTa n'Okkin, mayil iyal, taLarpu olki
	Ay cilampu ari Arppa, avir oLi izai imaippa,
	koTi ena, min ena, aNagku ena, yAtu onRum
5	terikallA iTaiyinkaN kaN kavarpu orugku OTa,
	vaLamai cAl uyar ciRappin n'un'tai tol viyal n'akar
	iLamaiyAn eRi pan'toTu ikattan'tAy! kEL, ini:
	pUn' taN tAr, pular cAn'tin, tennavan uyar kUTal,
	tEm pAya aviz n'Ilattu alar venRa amar uNkaN,
10	En'tu kOTTu ezil yAnai onnAtArkku avan vElin,
	cEn'tu n'I inaiyaiyAl; ottatO? cinmozi!
	pozi peyal vaNmaiyAn acOkam taN kAvinuL,
	kazi kavin iLa mAvin taLir annAy! atan, talai,
	paNai amai pAy mAn tEr avan ceRRAr n'iRam pAyn'ta
15	kaNaiyinum, n'Oy ceytal kaTappu anRO? kanagkuzAy!
	vakai amai taN tArAn kOTu uyar poruppinmEl,
	takai iNar iLa vEgkai malar anna cuNagkinAy!
	mata vali miku kaTAattu avan yAnai maruppinum
	katavavAl takkatO? kAz koNTa iLa mulai
20	ena Agku,
	inaiyana kURa, iRaijcupu n'ilam n'Okki,
	n'inaiyupu n'eTitu onRu n'inaippAL pOl, maRRu AgkE
	tuNai amai tOziyarkku amartta kaNNaL,
	manai Agkup peyarn'tAL, en aRivu akappaTuttE

58.talaivan kURRu

	vAr uRu vaNar aimpAl, vaNagku iRai n'eTu men tOL,
	pEr ezil malar uNkaN, piNai ezil mAn n'Okkin,
	kAr etir taLir mEni, kavin peRu cuTar n'utal,
	kUr eyiRRu mukai veN pal, koTi puraiyum n'ucuppinAy!
5	n'Er cilampu ari Arppa, n'irai toTik kai vIcinai,
	Ar uyir vauvikkoNTu aRin'tIyAtu iRappAy! kEL:
	uLanA, en uyirai uNTu, uyavu n'Oy kaimmika,
	iLamaiyAn uNarAtAy! n'in tavaRu illAnum,
	kaLain'ar il n'Oy ceyyum kavin aRin'tu, aNin'tu, tam
10	vaLamaiyAn pOttan'ta n'umar tavaRu il enpAy
	n'aTai melin'tu, ayarvu uRIi, n'ALum en n'aliyum n'Oy
	maTamaiyAn uNarAtAy! n'in tavaRu illAnum,
	iTai n'illAtu eykkum n'in uru aRin'tu, aNin'tu, tam
	uTaimaiyAl pOttan'ta n'umar tavaRu il enpAy
15	allal kUrn'tu azivuRa, aNagkAki aTarum n'Oy
	collinum aRiyAtAy! n'in tavaRu illAnum,
	ollaiyE uyir vauvum uru aRin'tu, aNin'tu, tam
	celvattAl pOttan'ta n'umar tavaRu il enpAy
	ena Agku
20	oRuppin, yAn oRuppatu n'umarai; yAn; maRRu in' n'Oy
	poRukkalAm varaittu anRip peritAyin, polagkuzAy!
	maRuttu iv Ur manRattu maTal ERi,
	n'iRukkuven pOlval yAn, n'I paTu paziyE

59.talaivan kURRu

	taLai n'ekiz piNi n'ivan'ta pAcaTait tAmarai
	muLai n'imirn'tavai pOlum muttuk kOl avir toTi,
	aTukkam n'ARum alar kAn'taL n'uN Er taN Er uruvin
	tuTuppu enap puraiyum n'in tiraNTa, n'Er, ari, munkai,
5	cuTar viri vinai vAyn'ta tUtaiyum pAvaiyum
	viLaiyATa, ari peyta azaku amai punai vinai
	Ay cilampu ezun'tu Arppa, am cila iyalum n'in
	pinnu viTTu iruLiya aimpAl kaNTu, en pAla
	ennai viTTu ikattara, iRan'tIvAy! kEL, ini:
10	maruLi, yAn maruL uRa, "ivan uRRatu evan?" ennum
	aruL ilai ivaTku' ena ayalAr n'iR pazikkugkAl,
	vai eyiRRavar n'AppaN, vakai aNip polin'tu, n'I
	taiyil n'Ir ATiya tavam talaippaTuvAyO?
	uruLizAy! "oLi vATa, ivan uL n'Oy yAtu?" ennum
15	aruL ilai ivaTku' ena ayalAr n'iR pazikkugkAl,
	poytala makaLaiyAy, piRar manaip pATi, n'I
	eytiya palarkku Itta payam payakkiRpatO?
	AytoTi! ' "aitu uyirttu, ivan uL n'Oy yAtu?" ennum
	n'Oy ilai ivaTku ena n'otumalar pazikkugkAl,
20	ciRu muttanaip pENi, ciRu cORu maTuttu, n'I
	n'aRu n'utalavaroTu n'akkatu n'anku iyaivatO?
	ena Agku,
	anaiyavai uLaiyavum, yAn n'inakku uraittatai
	inaiya n'I ceytatu utavAyAyin, cEyizAy!
25	ceytatan payam paRRu viTAtu;
	n'ayam paRRu viTin illai n'acaiiyOr tiRattE

62.talaivanum talaiviyum uRazn'tu kURutal

	talaivi
	Ee iHtu ottan, n'AN ilan tannoTu
	mEvEm enpAraiyum mEvinan kaippaRRum
	talaivan patilum, talaivi vETkai maRuttu uraittalum
	mEvinum, mEvAkkaTaiyum, aHtu ellAm
	n'I aRiti; yAn aHtu aRikallEn; pU amanRa
5	mel iNar cellAk koTi annAy! n'innai yAn
	pul initu Akalin, pullinen ellA!
	tamakku initu enRu, valitin piRarkku innA
	ceyvatu n'anRu AmO maRRu?
	makaLirai valitiR puNartiR puNartalum aRan'Ul vazakku ena, talaivan mozital
	cuTart toTI! pORRAy kaLai, n'in mutukkuRaimai; pORRik kEL!
10	vETTArkku initu Ayin allatu, n'Irkku initu enRu
	uNpavO, n'Ir uNpavar?
	ceyvatu aRikallEn; yAtu ceyvEnkolO
	ai vAy aravin iTaippaTTu, n'ai vArA?
	mai il matiyin viLagkum mukattArai
15	vauvik koLalum aRan enak kaNTanRu
	puNarccikku uTampaTTu, talaivi n'ejcoTu kURutal
	aRanum atu kaNTaRRAyin, tiRan inRi,
	kURum col kELAn, n'alitarum; paNTu n'Am
	vERu allam enpatu onRu uNTAl; avanoTu
	mARu uNTO, n'ejcE! n'amakku?

64.talaivan kURRu

	talaivan
	aNi mukam mati Eyppa, am matiyai n'ani Eykkum,
	maNi mukam, mA mazai, n'in pin, oppa, pinninkaN
	viri n'uN n'Ul cuRRiya Ir itaz alari
	aravukkaN aNi uRaz Aral mIn takai oppa,
5	arum paTar kaNTAraic ceytu, Agku iyalum
	virin'tu oli kUn'talAy! kaNTai; emakkup
	perum pon paTukuvai paNTu
	talaivi
	Ee, ellA! mozivatu kaNTai, iHtu ottan; toyyil
	ezuti iRutta perum pon paTukam;
10	uzuvatu uTaiyamO, yAm?
	talaivan
	uzutAy
	curumpu imir pUg kOtai am n'allAy! yAn n'in
	tirun'tu izai men tOL izaitta, maRRu iHtO,
	karumpu ellAm n'in uzavu anRO? orugkE
15	tukaL aRu vAL mukam oppa malarn'ta
	kuvaLaiyum, n'in uzavu anRO? ikali
	mukai mARu koLLum eyiRRAy! ivai alla,
	en uzuvAy n'I, maRRu ini
	talaivi
	ellA! n'al tOL izaitta karumpukku n'I kURu;
20	muRRu ezil n'Ila malar ena uRRa,
	irumpu Ir vaTi anna, uNkaTkum, ellAm,
	perum pon uNTu enpAy! ini
	talaivan
	n'allAy! ikuLai! kEL:
	IgkE talaippaTuvan, uNTAn talaippeyin,
25	vEn'tu koNTanna pala
	talaivi Aka! ena uTampaTTuk kURa, talaivan uraittal
	Agku Aka! at tiRam allAkkAl, vEgkai vI
	muRRu ezil koNTa cuNagku aNi pUN Akam
	poyttu orukAl emmai muyagkinai cenRImO,
	muttu Er muRuvalAy! n'I paTum pon ellAm
30	utti eRin'tuviTaRku

81.talaivan kURRu

	putalvanai n'Okkit talaivi kURutal
	mai aRa viLagkiya maNi maruL av vAy tan
	mey peRA mazalaiyin viLagku pUN n'anaittara,
	polam piRaiyuL tAzn'ta punai vinai uruL kalan,
	n'alam peRu kamaz cenni, n'akaiyoTu tuyalvara,
5	uru ejcAtu iTai kATTum uTai kazal am tukil
	ari poli kiNkiNi Arppu OvA aTi taTpa,
	pAlOTu alarn'ta mulai maRan'tu, muRRattuk
	kAl val tEr kaiyin iyakki, n'aTai payiRRA,
	Al amar celvan aNi cAl peru viRal
10	pOla, varum en uyir!
	peruma! virun'toTu kaitUvA emmaiyum uLLAy,
	perun' teruvil koNTATi jAyar payiRRa,
	tirun'tupu n'I kaRRa coRkaL yAm kETpa,
	marun'tu OvA n'ejciRku amiztam ayinRaRRA,
15	perun'takAy! kURu, cila
	tOziyai n'Okkit talaivi kURiya ceyti
	ellizAy! cEy n'inRu n'Am koNarn'ta pANan citain'tu, AgkE
	vAy OTi, 'EnAtippATiyam' enRaRRA,
	'n'Oy n'Am taNikkum marun'tu' enap pArATTa,
	OvAtu aTuttu aTuttu, 'attattA!' enpAn mANa
20	vEy men tOL vEyttiRam cErttalum, maRRu, ivan
	vAyuLLin pOkAn arO
	talaivan kETpa, tOziyai n'Okkit talaivi uraittal
	uLLi uzaiyE orugku paTai viTak
	kaLLar paTartan'tatu pOla, tAm emmai
	eLLumAr van'tArE, Igku
	talaivan
25	EtappATu eNNi, puricai viyal uLLOr
	kaLvaraik kANAtu, 'kaNTEm' enpAr pOla,
	cEy n'inRu, ceyyAta collic cinaval; n'in
	ANai kaTakkiRpAr yAr?
	talaivi
	atirvu il paTiRu erukki, van'tu en makanmEl,
30	mutir pUN mulai poruta EtilAL mucci
	utir tukaL ukka n'in ATai olippa
	etir vaLi n'inRAy; n'I cel
	talaivan
	ini, 'ellA! yAm tItilEm' enRu teLippavum, kain'n'Ivi
	yAtonRum emkaN maRuttaravu illAyin,
35	mEtakka en'tai peyaranai yAm koLvEm,
	tAvA viruppoTu kanRu yAttuzic cellum
	A pOl paTar taka, n'Am

92.talaivan kURRu

	talaivan
	puna vaLar pUg koTi annAy! kaziyak
	kanavu enappaTTatu Or kArikai n'IrttE:
	muyagkiya n'allAr mulai iTai mUzki,
	mayagki, maRRu ANTu ANTuc cERalum cellAtu,
5	uyagki irun'tArkku uyarn'ta poruLum;
	aritin aRam ceyyA, AnROr, ulakum,
	uritin orutalai eytalum vIzvArp
	piritalum AgkE puNartalum tammil
	tarutal takaiyAtAl maRRu
10	n'anavinAl pOlum, n'aRun'utAl! alkal
	kanavinAl cenREn kali kezu kUTal
	varai uRaz n'IL matil vAy cUzn'ta vaiyaik
	karai aNi kAvinakattu
	talaivi
	urai, ini taNTAt tIm cAyal n'eTun'takAy! av vazik
15	kaNTatu evan maRRu n'I?
	talaivan
	kaNTatu uTan amar AyamoTu av vicumpu Ayum
	maTa n'aTai mA inam, an'ti amaiyattu,
	iTan viTTu iyagkA imaiyattu oru pAl,
	iRai koNTu irun'tanna n'allAraik kaNTEn,
20	tuRai koNTu uyar maNalmEl onRi n'iRaivatai,
	talaivi
	Orttatu icaikkum paRai pOl, n'in n'ejcattu
	vETTatE kaNTAy, kanA
	'muRRum kETTu vekuL' EnRa talaivanukkut talaivi 'urai' enna avan uraittal
	'kETTai viraiyal n'I; maRRu vekuLvAy!' 'urai' 'ANTu
	ituvAkum, in n'akai n'allAy! potuvAka
25	tAm koTi anna takaiyAr ezun'tatu Or
	pUg koTi vAgki, iNar koyya, AgkE
	cinai alar vEmpin poruppan poruta
	munai araN pOla uTain'tanRu, ak kAvil
	tunai vari vaNTin inam
30	maRRu AgkE n'Er iNar mUciya vaNTu ellAm av vazik
	kArikai n'allAr n'alam kavarn'tu uNpa pOl OrAgku mUca,
	avaruL,
	orutti, ceyal amai kOtai n'akai;
	orutti, iyal Ar ceruvil toTiyoTu taTpa;
35	orutti, teri muttam, cErn'ta, tilakam;
	orutti, ari mAN avir kuzai Ay kAtu vAgka,
	orutti, vari Ar akal alkul kAzakam;
	orutti, ari Ar jekizattu aNi cuRAt taTpa:
	orutti, pulaviyAl pullAtirun'tAL, alavuRRu
40	vaNTinam Arppa, iTai viTTuk kAtalan
	taN tAr akalam pukum
	orutti, aTi tAz kaligkam tazIi, oru kai
	muTi tAz irug kUn'tal paRRi, pU vEyn'ta
	kaTi kayam pAyum, alan'tu
45	orutti, kaNam koNTu avai mUca, kai ARRAL, pUNTa
	maNam kamaz kOtai paripu koNTu, Occi,
	vaNagku kAz vagkam pukum
	orutti, iRan'ta kaLiyAn itaz maRain'ta kaNNaL,
	paRan'tavai mUcak kaTivAL, kaTiyum
50	iTam tERRAL cOrn'tanaL, kai
	Agka, kaTi kAvil kAl oRRa, olki ociyAk
	koTi koTi tammil piNagkiyavai pOl,
	teriyizai Arppa mayagki irivuRRAr, vaNTiRku
	vaNTalavar; kaNTEn, yAn'
	talaivi
55	n'innai n'in peNTir pulan'tanavum, n'I avar
	mun aTi olki uNarttinavum, pal mAN
	kanavin talaiyiTTu uraiyal; cinaii yAn
	ceyvatu il enpatO? kURu
	talaivan
	poy kUREn anna vakaiyAl yAn kaNTa kanavu tAn
60	n'al vAyAk kANTai n'aRun'utAl! 'pal mANum
	kUTip puNarn'tIr! piriyanmin; n'ITip
	pirin'tIr! puNar tammin' enpana pOla,
	arumpu aviz pUj cinaitORum irug kuyil
	AnAtu akavum pozutinAn, mEvara,
65	n'AnmATakkUTal makaLirum main'tarum
	tEn imir kAvil puNarn'tirun'tu ATumAr,
	AnA viruppOTu aNi ayarpa, kAmaRku
	vEnil virun'tu etirkoNTu

108.akappuRat talaivan talaiviyar kURRu

	talaivan
	ikal vEn'tan cEnai iRutta vAy pOla
	akal alkul, tOL, kaN, ena mUvazip peruki,
	n'utal, aTi, n'ucuppu, ena mUvazic ciRuki,
	kavalaiyAl kAmanum paTai viTu vanappinOTu,
5	akalAgkaN aLai mARi, alaman'tu, peyarugkAl,
	'n'akai vallEn yAn' enRu en uyirOTu paTai toTTa
	ikalATTi! n'innai evan pizaittEn, ellA! yAn?
	talaivi
	aHtu avalam anRu mana
	Ayar emar AnAl, AyttiyEm yAm, mika;
10	kAyAmpUg kaNNik karun' tuvar ATaiyai,
	mEyum n'irai munnark kOl UnRi n'inRAy, Or
	Ayanai allai; piRavO amararuL
	jAyiRRup puttEL makan?
	talaivan
	atanAl vAyvALEn:
15	'mullai mukaiyum murun'tum n'iraittanna
	pallum paNait tOLum, pEr amar uNkaNNum,
	n'allEn, yAn' enRu, n'alattakai n'ampiya
	collATTi! n'innoTu col ARRukiRpAr yAr?
	talaivi
	collAti
	'pOkAmal unnai vilakkinEn' enRa talaivanukkut talaivi
20	'n'innait takaittanen,' 'allal kANman
	maNTAta kURi, maza kuzakku AkinRE,
	kaNTa pozutE kaTavaraip pOla, n'I
	paNTam vinAya paTiRRAl toTIiya, n'iR
	koNTatu evan ellA! yAn?'
	talaivan
25	koNTatu:
	aLai mARip peyartaruvAy! aRitiyO? aj jAnRu,
	taLava malar tatain'tatu Or kAnac ciRRARRu ayal,
	iLa mAgkAy pOzn'tanna kaNNinAl, en n'ejcam
	kaLamAk koNTu ANTAy; Or kaLviyai allaiyO?
	talaivi
30	n'in n'ejcam kaLamAkkoNTu yAm ALa, emakku evan eLitAkum?
	punattuLAn ennaikkup pukA uyttuk koTuppatO?
	inattuLAn en'taikkuk kalattoTu celvatO?
	tinaik kAluL yAy viTTa kanRu mEykkiRpatO?
	talaivan
	anaittu Aka
35	veNNeyt tezi kETkum aNmaiyAl, cEyttu anRi,
	aNNaNittu Ur Ayin, n'aNpakal pOztu Ayin,
	kaN n'Okku ozikkum kavin peRu peN n'Irmai
	mayil eruttu vaNNattu mAyOy! maRRu inna
	veyiloTu, evan, virain'tu cERi? utukkAN:
40	piTi tujcu anna aRai mEla, n'ugkin
	taTi kaN puraiyum kuRuj cunai ATi,
	panip pUn' taLavoTu mullai paRittu,
	tani, kAyAn' taN pozil, emmoTu vaiki,
	panip paTac celvAy, n'um Urkku
	talaivi
45	inic celvEm, yAm
	mA maruNTanna mazaik kaN ciRRAyttiyar
	n'I maruTTum coRkaN maruLvArkku urai, avai:
	A muniyA ERu pOl, vaikal, patinmaraik
	kAmuRRuc celvAy; Or kaTkuttik kaLvanai;
50	n'I evan ceyti, piRarkku?
	yAm evan ceytum, n'inakku?
	talaivan
	kolai uNkaN, kUr eyiRRu, koy taLir mEni,
	inai vanappin, mAyOy! n'innin ciRan'tAr
	n'ila ulakattu inmai teLi; n'I varuti;
55	malaiyoTu mArpu amain'ta celvan aTiyait
	talaiyinAl toTTu uRREn, cUL
	talaivi
	Agku uNarAr n'Erpa; atu poyppAy n'I; Ayin
	tEm koL poruppan ciRukuTi em Ayar
	vEn'tu UTTu aravattu, n'in peNTir kANAmai,
60	kAjcit tAtu ukkanna tAtu eru manRattut
	tUgkum kuravaiyuL n'in peNTir kELAmai,
	AmpaR kuzalAl payir payir em paTappaik
	kAjcikkIzc ceytEm kuRi

109.vinai vala pAgkin talaivan kURRu

	kAr Arap peyta kaTi koL viyan pulattup
	pErAtu cenRu, perum patavap pul mAn'ti,
	n'Ir Ar n'izala kuTamcuTTu inattuLLum,
	pOr ArA ERRin, poru n'Aku, iLam pANTil
5	tEr Ura, cemmAn'tatu pOl, mataiinaL
	pEr Urum ciRRUrum kauvai eTuppavaL pOl,
	mOrOTu van'tAL takai kaNTai; yArOTum
	colliyAL anRE vanappu
	paNNit tamar tan'tu, oru puRam taiiya
10	kaNNi eTukkallAk kOTu En'tu akal alkul
	puN illAr puNNAka n'Okkum; muzu meyyum
	kaNNaLO? Ayar makaL
	ivaLtAn tiruttAc cumaTTinaL, Enait tOL vIci,
	varik kUza vaTTi tazIi, arik kuzai
15	ATal takaiyaL; kazuttinum vAlitu
	n'uNNitAt tOnRum, n'ucuppu
	iTai teriyA Eer iruvarum tattam
	uTai vanappu ellAm ivaTku IttArkollO?
	paTai iTuvAnman kaNTIr, kAman maTai aTum
20	pAloTu kOTTam pukin
	ivaL tAn, varun'ta n'Oy ceytu iRappin allAl, marun'tu allaL
	'yArkkum aNagkAtal cAnRAL' enRu, Urp peNTir,
	'mAgkAy n'aRug kATi kUTTuvEm; yAgkum
	ezu n'in kiLaiyoTu pOka' enRu tattam
25	kozun'araip pOkAmal kAttu, muzu n'ALum,
	vAyil aTaippa, varum

110.vinaivala pAgkin talaivan talaiviyar kURRu

	'emmai eLiyamAk karutinaiyO?' enRa talaiviyai n'Okkit talaivan uraittal
	'kaTi koL irug kAppil pullinattu Ayar
	kuTitoRum n'allArai vENTuti ellA!
	iTu tEL marun'tO, n'in vETkai? toTutarat
	tunni, tan'tAgkE, n'akai kuRittu, emmait
5	tiLaittaRku eLiyamAk kaNTai; "aLaikku eLiyAL
	veNNeykkum annaL" enak koNTAy' oNNutAl!
	Agku n'I kURin, anaittAka; n'Igkuka
	accattAn mARi, acaivinAn pOttan'tu,
	n'iccam taTumARum mel iyal AymakaL!
10	mattam piNitta kayiRu pOl, n'in n'alam
	cuRRic cuzalum en n'ejcu
	viTin'ta pozutinum ilvayin pOkAtu,
	koTun' tozuvinuL paTTa kanRiRkuc cUzum
	kaTujcUl A n'Aku pOl, n'iR kaNTu, n'ALum,
15	n'aTugku ajar uRRatu en n'ejcu
	evvam mikutara, em tiRattu, ejjAnRum,
	n'ey kaTai pAlin payan yAtum inRAki,
	kai tOyal mAttirai allatu, ceyti
	aRiyAtu aLittu en uyir'
	talaivi
20	annaiyO? manRattuk kaNTAgkE, 'cAnRAr makaLirai
	inRi amaiyEn' enRu, innavum colluvAy;
	n'inRAy; n'I cenRI; emar kANpar; n'ALaiyum
	kanRoTu cERum, pulattu

112.vinai vala pAgkin talaivan talaiviyar kURRu

	talaivi
	yAr ivan, ennai vilakkuvAn? n'Ir uLar
	pUn' tAmaraip pOtu tan'ta viravut tArk
	kallAp potuvanai; n'I mARu; n'innoTu
	collal Ompu enRAr, emar
	talaivan
5	ellA! 'kaTAaya kaNNAl, kalaiiya n'Oy ceyyum
	n'aTAak karumpu amanRa tOLAraik kANin,
	viTAal; Ompu' enRAr, emar
	talaivi
	kaTAayAr, n'allAraik kANin, vilakki, n'ayan'tu, avar
	pal itaz uNkaNNum tOLum pukaz pATa,
10	n'allatu kaRpittAr manRa; n'umar peritum
	vallar, emarkaN ceyal
	talaivan
	Oo! vazagkAp pozutu, n'I kanRu mEyppAy pOl,
	vazagkal aRivAr uraiyArEl, emmai
	ikazn'tArE anRO, emar?
	talaivi
15	okkum; aRival yAn ellA! viTu
	'ennai muyagku' enRa talaivanai n'Okkit talaivi uraittal
	'viTEn, yAn; en, n'I kuRittatu? irug kUn'tAl!
	n'innai, "en mun n'inRu,
	collal Ompu" enRamai anRi, "avanai n'I
	pullal Ompu" enRatu uTaiyarO? mella
20	muyagku; n'in muL eyiRu uNkum. ' evankolO?
	mAyap potuvan uraitta urai ellAm
	vAy AvatuAyin, talaippaTTAm; poy Ayin,
	cAyal in mArpil kamaztAr kuzaitta n'in
	Ay itaz uNkaN pacappa, taTa men tOL
25	cAyinum, Eer uTaittu.'

113.vinai vala pAgkin talaivan talaiviyar kURRu

	talaivan
	n'alam mika n'an'tiya n'aya varu taTa men tOL,
	alamaral amar uNkaN, am n'allAy! n'I uRIi,
	ulamaral uyavu n'Oykku uyyum ARu uraittuc cel
	talaivi
	pEr EmuRRAr pOla, mun n'inRu, vilakkuvAy
5	yAr ellA! n'innai aRin'tatUum ilvazi?
	talaivan
	taLiriyAl! en aRital vENTin, pakai ajcAp
	pullinattu Ayar makanEn, maRRu yAn
	talaivi
	okkumman
	pullinattu Ayanai n'I Ayin, kuTam cuTTu
10	n'al inattu Ayar, emar
	talaivan kURRum talaivi mARRamum
	'ellA!
	n'innoTu collin, EtamO illaiman'
	'Etam anRu; ellai varuvAn viTu'
	talaivan
	viTEn.
15	uTampaTTu n'IppAr kiLavi, maTam paTTu,
	melliya Atal aRiyinum, melliyAl!
	n'in mozi koNTu, yAnO viTuvEn maRRu en mozi koNTu
	en n'ejcam Eval ceyin?
	talaivi
	'n'ejcu Eval ceyyAtu' ena n'inRAykku, 'ejciya
20	kAtal koL kAmam kalakkuRa' EtilAr
	poym mozi tERuvatu en?
	talaivan
	teLin'tEn, teriyizAy! yAn
	palkAl, yAm kAnyARRu avir maNaR taN pozil,
	alkal akal aRai, AyamoTu ATi,
25	mullai kurun'toTu mucci vEyn'tu, ellai
	iravu uRRatu; innum kazippi; aravu uRRu,
	urumin atirum kural pOl, poru muraN
	n'al ERu n'AkuTan n'inRana,
	pal An ina n'irai; n'Am uTan celaRkE

116.vinai vala pAgkin talaivanum talaiviyum

	talaivi
	pAgku arum pATTagkAl kanRoTu celvEm; em
	tAmpin oru talai paRRinai, Igku emmai
	munnai n'inRAgkE vilakkiya ellA! n'I
	ennai EmuRRAy? viTu
	talaivan
5	viTEen; toTIiya celvArt tumittu, etir maNTum
	kaTu vaya n'Aku pOl n'Okki, tozuvAyil
	n'Igki, cinavuvAy maRRu
	talaivi
	n'I n'Igku; kanRu cErn'tArkaN kata IRRAc cenRAgku,
	vankaNNaL Ay varal Ompu
	talaivan
10	yAy varuka onRO; piRar varuka; maRRu n'in
	kO varinum igkE varuka; taLarEn yAn,
	n'I aruLi n'alkap peRin
	talaivi
	n'innai yAn collinavum pENAy, n'inaii'
	kanai peyal ERRin talai cAyttu, enaiyatUum
15	mARu etir kURi, mayakkuppaTukuvAy!
	kalattoTu yAm celvuzi n'ATi, pulattum
	varuvaiyAl n'AN ili! n'I

117.talaivan kURRum talaivi kURRum

	'kaiyil uLLatu yAtu?' enat talaiviyait talaivan vinAvutal
	mANa urukkiya n'an pon maNi uRIi,
	pENit tuTaittanna mEniyAy! kOgkin
	mutirA iLa mukai oppa, etiriya
	toyyil poRitta vana mulaiyAy! maRRu, n'in
5	kaiyatu evan? maRRu urai
	talaiviyin viTaiyum talaivan vinAvum
	'kaiyatai cErik kizavan makaLEn yAn; maRRu iHtu Or
	mAtarp pulaitti vilaiyAkac ceytatu Or
	pOzin punain'ta varip puTTil.' 'puTTiluL en uLa?
	kAN takkAy! eR kATTik kAN.'
	talaivi
10	kAN, ini: tOTTAr katuppin en tOzi avaroTu
	kATTuc cArk koyta ciRu mullai, maRRu ivai
	talaivan
	mullai ivai Ayin muRRiya kUzaiyAy!
	elliRRu, pOztu Ayin ItOLik kaNTEnAl;
	'cel' enRu n'innai viTuvEn, yAn; maRRu enakku
15	melliyatu, OrAtu aRivu

138.talaivan kURRu

	ezil maruppu ezil vEzam ikutaru kaTAttAl
	tozil mARit talai vaitta tOTTi kai n'imirn'tAgku,
	aRivum, n'am aRivu Ayn'ta aTakkamum, n'ANoTu,
	vaRitAka piRar ennai n'akupavum, n'akupu uTan,
5	min avir n'uTakkamum kanavum pOl, mey kATTi
	en n'ejcam ennOTu n'illAmai n'ani vauvi,
	tan n'alam karan'tALait talaippaTum ARu evankolO?
	maNip pIli cUTTiya n'UloTu, maRRai
	aNip pULai, Avirai, erukkoTu, piNittu, yAttu,
10	mallal Ur maRukinkaN ivaT pATum, iHtu ottan
	ellIrum kETTImin enRu
	paTarum panai InRa mAvum cuTar izai,
	n'alkiyAL, n'alkiyavai
	poRai en varaittu anRi, pUn'utal Itta
15	n'iRai azi kAma n'Oy n'In'ti, aRai uRRa
	uppu iyal pAvai uRai uRRatu pOla,
	ukkuviTum en uyir
	pULai, pola malar Avirai vEy venRa
	tOLAL emakku Itta pU
20	uritu en varaittu anRi, oLLizai tan'ta
	paricu azi paital n'Oy mUzki, eri paran'ta
	n'eyyuL mezukin n'ilaiyAtu, pai payat
	tEyum aLittu en uyir
	iLaiyArum, Etilavarum uLaiya, yAn
25	uRRatu ucAvum tuNai
	enRu yAn pATak kETTu,
	anpuRu kiLaviyAL aruLi van'tu aLittalin
	tunpattil tuNaiyAya maTal ini ivaL peRa
	inpattuL iTampaTal enRu iragkinaL anpuRRu,
30	aTagku arun' tORRattu arun' tavam muyanROr tam
	uTampu ozittu uyar ulaku initu peRRAgkE

139.talaivan kURRu

	cAnRavir, vAziyO! cAnRavir! enRum
	piRar n'Oyum tam n'Oy pOl pORRi, aRan aRital
	cAnRavarkku ellAm kaTan AnAl, iv irun'ta
	cAnRIr! umakku onRu aRivuRuppEn: mAnRa
5	tuLi iTai minnup pOl tOnRi, orutti,
	oLiyOTu uru ennaik kATTi, aLiyaL, en
	n'ejcu ARu koNTAL; ataRkoNTum tujcEn,
	aNi alagku Aviraip pUvOTu erukkin
	piNaiyal am kaNNi milain'tu, maNi Arppa,
10	Ogku irum peNNai maTal Urn'tu, en evva n'Oy
	tAgkutal tERRA iTumpaikku uyirppAka
	vIgku izai mAtar tiRattu onRu, n'IgkAtu,
	pATuvEn, pAy mA n'iRuttu
	yAmattum ellaiyum evvat tirai alaippa,
15	'mA mElEn' enRu, maTal puNaiyA n'In'tuvEn
	tE mozi mAtar uRAatu uRIiya
	kAmak kaTal akappaTTu
	uyyA aru n'Oykku uyavAkum maiyal
	uRIiyAL Itta im mA
20	kANun'ar eLLak kalagki, talai van'tu, en
	AN ezil muRRi uTaittu uL azittarum
	'mAN izai mAtarAL Eer' ena, kAmanatu
	ANaiyAl van'ta paTai
	kAmak kaTum pakaiyin tOnRinERku Emam
25	ezin'utal Itta im mA
	akai eri AnAtu, en Ar uyir ejcum
	vakaiyinAl, uLLam cuTutarum mannO
	mukai Er ilagku eyiRRu in n'akai mAtar
	takaiyAl talaikkoNTa n'ejcu!
30	azal manRa, kAma aru n'Oy; n'izal manRa,
	n'Erizai Itta im mA
	Agku atai,
	aRin'tanir Ayin, cAnRavir! tAn tavam
	orIi, tuRakkattin vazIi, AnROr
35	uL iTappaTTa aracanaip peyarttu, avar
	uyarn'ilai ulakam uRIiyAgku, en
	tuyar n'ilai tIrttal n'umtalaik kaTanE

140.talaivan kURRu

	kaNTavir ellAm katumena van'tu, AgkE,
	paNTu aRiyAtIr pOla n'OkkuvIr; koNTatu
	mA enRu uNarmin; maTal anRu: maRRu ivai
	pU alla; pULai, uzijaiyOTu, yAtta
5	puna varai iTTa vayagku tArp pIli,
	piTi amai n'UloTu peym maNi kaTTi,
	aTar pon avir Eykkum Avirag kaNNi:
	n'eTiyOn makan n'ayan'tu tan'tu, Agku anaiya
	vaTiya vaTin'ta vanappin, en n'ejcam
10	iTiya iTaik koLLum cAyal, oruttikku
	aTiyuRai kATTiya celvEn; maTiyanmin;
	annEn oruvanEn, yAn
	ennAnum, 'pATu' enil, pATavum vallEn, ciRitu; AgkE,
	'ATu' enil, ATalum ARRukEn; pATukO
15	en uL iTumpai taNikkum marun'tAka,
	n'annutal Itta im mA?
	tigkaL aravu uRin, tIrkkalAr Ayinum,
	tam kAtal kATTuvar, cAnRavar in cAyal
	oNToTi n'Oy n'Okkil paTTa en n'ejca n'Oy
20	kaNTum, kaNNOTAtu, iv Ur
	tAgkAc cinattoTu kATTi uyir cekukkum
	pAmpum avaip paTil, uyyumAm pUg kaN
	vaNarn'tu oli aimpAlAL ceyta ik kAmam
	uNarn'tum, uNarAtu, iv Ur
25	vej cuzip paTTa makaRkuk karai n'inRAr
	ajcal enRAlum uyirppu uNTAm am cIrc
	ceRin'ta Er muRuvalAL ceyta ik kAmam
	aRin'tum, aRiyAtu, iv Ur
	Agka
30	en kaN iTumpai aRIiyinen; n'umkaN
	teruLuRa n'Okkit teriyugkAl, inna
	maruLuRu n'OyoTu mammar akala,
	iruLuRu kUn'talAL ennai
	aruLuRac ceyin, n'umakku aRanumAr atuvE