101.tOzi kURRu

	tOzi talaivikku ERu tazuvutalaic cuTTikkATTutal
	taLi peRu taN pulattut talaip peyaRku arumpu InRu,
	muLi mutal potuLiya, muT puRap piTavamum;
	kaLi paTTAn n'ilaiyE pOl taTavupu tuTuppu InRu,
	jelipu uTan n'iraitta jekiz itazk kOTalum;
5	maNi purai uruvina kAyAvum; piRavum;
	aNi koLa malain'ta kaNNiyar tokupu uTan,
	mARu etirkoNTa tam main'tuTan n'iRumAr,
	cIRu aru munpinOn kaNicci pOl kOTu cIi,
	ERu tozUup pukuttanar, iyaipuTan orugku
10	av vazi, muzakku ena, iTi ena, mun camattu Arppa
	vazakku mARu koNTu, varupu varupu INTi
	n'aRaiyoTu tukaL eza n'allavar aNi n'iRpa,
	tuRaiyum Alamum tol vali marAamum
	muRaiyuLi parAay, pAyn'tanar, tozUu
15	mER pATTu ulaNTin n'iRan okkum pun kuruk kaN
	n'Okku ajcAn pAyn'ta potuvanaic cAk kutti,
	kOTTiTaik koNTu, kulaippatan tORRam kAN
	am cIr acaiiyal kUn'taR kai n'ITTiyAn
	n'ejcam piLan'tu iTTu, n'ErAr n'aTuvaN, tan
20	vajcinam vAyttAnum pOnm
	cuTar virin'tanna curi n'eRRik kAri
	viTari am kaNNip potuvanaic cATi,
	kuTar coriyak kutti, kulaippatan tORRam kAN
	paTar aNi an'ti, pacug kaT kaTavuL
25	iTariya ERRu erumai n'ejcu iTan'tu iTTu,
	kuTar kULikku ArttuvAn pOnm
	cevi maRai n'Er minnum n'uN poRi veLLaik
	katan ajcAn, pAyn'ta potuvanaic cATi,
	n'uti n'unaik kOTTAl kulaippatan tORRam kAN
30	Ar iruL ennAn arug kagkul van'tu, tan
	tALin kaTan'tu aTTu, tan'taiyaik konRAnait
	tOLin tirukuvAn pOnm
	atu kaNTu talaivi koNTa accam pOkka, tOzi n'al n'imittam kaNTu kURutal
	ena Agku
	aNi mAlaik kELvaR tarUumAr, Ayar
35	maNi mAlai Utum kuzal
	kaTAak kaLiRRinum kaNNajcA ERRai
	viTAatu n'I koLkuvai, Ayin; paTAakai
	InRana, Aya makaL tOL
	pakaliTak kaNNiyan, paitaR kuzalan,
40	cuvalmicaik kOl acaitta kaiyan, ayalatu;
	kol ERu cATa irun'tArkku, em pal irug
	kUn'tal aNai koTuppEm, yAm
	'kOLALar en oppAr il' ena n'am AnuL,
	tALANmai kURum potuvan n'amakku, oru n'AL,
45	kELALan AkAmai illai; avaR kaNTu
	vELANmai ceytana kaN
	Agku, ERum varun'tina; Ayarum puN kUrn'tAr;
	n'ARu irug kUn'taR potumakaLir ellArum
	mullaiam taN pozil pukkAr, potuvarOTu,
50	ellAm puNar kuRik koNTu