89.talaivi UTal tIrtal

	talaivi
	yAr ivan? em kUn'tal koLvAn? ituvum Or
	UrANmaikku otta paTiRu uTaittu; em manai
	vAral; n'I van'tAgkE mARu
	talaivan
	en ivai, Or uyirp puLLin iru talaiyuL onRu
5	pOr etirn'taRRAp pulaval? n'I kURin, en
	Ar uyir n'iRkum ARu yAtu?
	talaivi
	Ee! teLin'tEm yAm; kAyAti ellAm val ellA!
	perug kATTuk koRRikkup pEy n'oTittAgku,
	varun'tal n'in vajcam uraittu
	talaivan
10	marun'tu inRu mannavan cIRin, tavaRu uNTO? n'I n'ayan'ta,
	innakai! tItO ilEn
	talaivi
	mANa maRan'tu uLLA n'ANilikku ip pOr
	puRam cAyn'tu kANTaippAy n'ejcE! uRazn'tu ivanaip
	poyppa viTEem ena n'erugkin, tappinEn
15	enRu aTi cErtalum uNTu!