53. pAlai

	aRiyAy, vAzi tOzi! iruL aRa
	vicumpuTan viLagkum virai celal tikirik
	kaTug katir eRitta viTuvAy n'iRaiya,
	n'eTug kAl murugkai veN pUt tAay,
5	n'Ir aRa vaRan'ta n'irampA n'IL iTai,
	vaL eyiRRuc cen'n'Ay varun'tu pacip piNavoTu
	kaLLiam kATTa kaTattiTai uzijcil
	uLUn vATiya curimUkku n'oLLai
	pori arai putaitta pulampu koL iyavin,
10	vizut toTai maRavar vil iTa vIzn'tOr
	ezuttuTai n'aTukal in n'izal vatiyum
	aruj curak kavalai n'In'ti, enRum,
	'illOrkku il' enRu iyaivatu karattal
	vallA n'ejcam valippa, n'amminum
15	poruLE kAtalar kAtal;
	'aruLE kAtalar' enRi, n'IyE.