384. mullai

	'irun'ta vEn'tan arun' tozil muTittena,
	purin'ta kAtaloTu perun' tEr yAnum
	ERiyatu aRin'tanRu allatu, van'ta
	ARu n'ani aRin'tanROilenE; "tAay,
5	muyaR paRaz ukaLum mullai am puRavil,
	kavaik katir varakin cIRUr AgkaN,
	mel iyal arivai ilvayin n'iRIi,
	izimin" enRa n'in mozi maruNTicinE;
	vAn vazagku iyaRkai vaLi pUTTinaiyO?
10	mAn uru Aka n'in manam pUTTinaiyO?
	uraimati vAziyO, valava!' ena, tan
	varai maruL mArpin aLippanan muyagki,
	manaik koNTu pukkanan, n'eTun' takai;
	virun'tu Er peRRanaL, tirun'tizaiyOLE.