284. mullai

	ciRiyilai n'ellik kAy kaNTanna
	kuRu vizik kaNNa kUral am kuRu muyal
	muTan'tai varakin vIgku pIL arun'tupu,
	kuTan'tai am ceviya kOT pavar oTugki,
5	in tuyil ezun'tu, tuNaiyoTu pOki,
	munRil ciRu n'iRai n'Ir kaNTu uNNum
	pun pulam tazIiya poRaimutal ciRu kuTi,
	tinaik kaL uNTa teRi kOl maRavar,
	vicaitta villar, vETTam pOki,
10	mullaip paTappaip pulvAy keNTum
	kAmar puRavinatuvE kAmam
	n'amminum tAn talaimayagkiya
	am mA arivai uRaivu in UrE.