83. pAlai

	valam curi marAattuc curam kamaz putu vIc
	curi Ar uLait talai poliyac cUTi,
	kaRai aTi maTap piTi kAnattu alaRa,
	kaLiRRuk kanRu ozitta uvakaiyar, kali ciRan'tu,
5	karug kAl marAattuk kozug kompu piLan'tu,
	perum poLi veN n'Ar azun'tupaTap pUTTi,
	n'eTug koTi n'uTagkum n'iyama mUtUr,
	n'aRavu n'oTai n'al il putavumutaR piNikkum
	kallA iLaiyar perumakan pulli
10	viyan talai n'al n'ATTu vEgkaTam kaziyinum,
	cEyar ennAtu, anpu mikak kaTaii,
	eyta van'tanavAltAmE n'eytal
	kUmpu viTu n'ikar malar anna
	En'tu ezil mazaik kaN em kAtali kuNanE.