175

	en'tai! vAzi; Atanugka! en
	n'ejcam tiRappOr n'iR kANkuvarE;
	n'in yAn maRappin, maRakkum kAlai,
	en uyir yAkkaiyin piriyum pozutum,
5	enniyAn maRappin, maRakkuven ven vEl
	viN poru n'eTug kuTaik koTit tEr mOriyar
	tiN katirt tikiri tiritarak kuRaitta
	ulaka iTaikazi aRai vAy n'ilaiiya
	malar vAy maNTilattu anna, n'ALum
10	palar puravu etirn'ta aRat tuRai n'innE.

389

	'n'Ir n'ugkin kaN valippa,
	kAna vEmpin kAy tiragka,
	kayam kaLiyum kOTai Ayinum,
	ElA veNpon pOruRu kAlai,
5	emmum uLLumO piLLaiam porun'an!'
	enRu IttananE, icaicAl n'eTun'takai;
	inRu cenRu eytum vaziyanum allan;
	celinE, kANA vaziyanum allan;
	pun talai maTap piTi inaiya, kanRu tan'tu,
10	kunRaka n'al Ur manRattup piNikkum
	kal izi aruvi vEgkaTam kizavOn,
	celvuzi ezAa n'al Er mutiyan!
	Atanugkan pOla, n'Iyum
	pacitta okkal pazagkaN vITa,
15	vIRucAl n'an kalam n'alkumati, peruma!
	aitu akal alkul makaLir
	n'eytal kELanmAr, n'eTug kaTaiyAnE!