4

	vAL, valam tara, maRup paTTana
	cev vAnattu vanappup pOnRana;
	tAL, kaLam koLa, kazal paRain'tana
	koll ERRin maruppup pOnRana;
5	tOl, tuvaittu ampin tuLai tOnRuva,
	n'ilaikku orAa ilakkam pOnRana;
	mAvE, eRi patattAn iTam kATTa,
	kaRuz poruta cev vAyAn,
	eruttu vavviya puli pOnRana;
10	kaLiRu, katavu eRiyA, civan'tu, urAay,
	n'uti mazugkiya veN kOTTAn,
	uyir uNNum kURRup pOnRana;
	n'IyE, alagku uLaip parIi ivuLip
	polan' tErmicaip polivu tOnRi,
15	mAk kaTal n'ivan'tu ezutarum
	cej jAyiRRuk kavinai mAtO
	anaiyai AkanmARE,
	tAy il tUvAk kuzavi pOla,
	OvAtu kUum, n'in uTaRRiyOr n'ATE.

63

	enaip pal yAnaiyum ampoTu tuLagki,
	viLaikkum vinai inRip paTai ozin'tanavE;
	viRal pukaz mANTa puravi ellAm
	maRat takai main'taroTu ANTup paTTanavE;
5	tEr tara van'ta cAnROr ellAm,
	tOl kaN maRaippa, orugku mAyn'tanarE;
	vicittu vinai mANTa mayirk kaN muracam,
	poRukkun'ar inmaiyin, irun'tu viLin'tanavE;
	cAn'tu amai mArpil n'eTu vEl pAyn'tena,
10	vEn'tarum porutu, kaLattu ozin'tanar; iniyE,
	en AvatukoltAnE kazani
	Ampal vaLLit toTik kai makaLir
	pAcaval mukki, taN punal pAyum,
	yANar aRAa vaippin
15	kAmar kiTakkai avar akan talai n'ATE?

141

	'pANan cUTiya pacum pon tAmarai
	mAN izai viRali mAlaiyoTu viLagka,
	kaTum pari n'eTun' tEr pUTTu viTTu acaii,
	UrIr pOlac curattiTai irun'tanir!
5	yArIrO?' ena, vinaval AnA,
	kAren okkal, kaTum paci, iravala!
	ven vEl aNNal kANA UgkE,
	n'inninum pulliyEm mannE; iniyE,
	innEm AyinEm mannE; enRum
10	uTAa, pOrA Akutal aRin'tum,
	paTAam majjaikku Itta em kO,
	kaTAa yAnaik kali mAn pEkan,
	'et tuNai Ayinum Ittal n'anRu' ena,
	maRumai n'OkkinRO anRE,
15	piRar, vaRumai n'OkkinRu, avan kai vaNmaiyE.

142

	aRu kuLattu ukuttum, akal vayal pozin'tum,
	uRum iTattu utavAtu uvar n'ilam UTTiyum,
	varaiyA marapin mAripOla,
	kaTAa yAnaik kazal kAl pEkan
5	koTaimaTam paTutal allatu,
	paTaimaTam paTAn, piRar paTai mayakkuRinE.

144

	aruLAy AkalO koTitE; iruL vara,
	cIRiyAz cevvazi paNNi, yAza n'in
	kAr etir kAnam pATinEmAka,
	n'Il n'aRu n'eytalin polin'ta uNkaN
5	kaluzn'tu, vAr arip pani pUN akam n'anaippa,
	inaital AnALAka, 'iLaiyOy!
	kiLaiyaiman, em kEL veyyORku?' ena,
	yAm tan tozutanam vinava, kAn'taL
	mukai purai viralin kaNNIr tuTaiyA,
10	'yAm avan kiLaijarEm allEm; kEL, ini:
	em pOl orutti n'alan n'ayan'tu, enRum,
	varUum' enpa 'vayagku pukazp pEkan
	ollena olikkum tEroTu,
	mullai vEli, n'al UrAnE.'

145

	'maTat takai mA mayil panikkum' enRu aruLi,
	paTAam Itta keTAa n'al icai,
	kaTAa yAnaik kali mAn pEka!
	pacittum vArEm; pAramum ilamE;
5	kaLagkani anna karug kOTTuc cIRiyAz
	n'ayam purin'tu uRaiyun'ar n'aTugkap paNNi,
	'aRam ceytImO, aruL veyyOy!' ena,
	iHtu yAm iran'ta paricil: aHtu iruLin,
	ina maNi n'eTun' tEr ERi,
10	innAtu uRaivi arum paTar kaLaimE!

336

	vETTa vEn'tanum vej cinattinanE;
	kaTavana kazippu ivaL tan'taiyum ceyyAn;
	oLiRu mukattu En'tiya vIgku toTi maruppin
	kaLiRum kaTimaram cErA; cErn'ta
5	oLiRu vEl maRavarum vAy mUzttanarE;
	iyavarum aRiyAp pal iyam kaRagka,
	annO, perum pEtuRRanRu, iv arug kaTi mUtUr;
	aRan ilaL manRa tAnE viRal malai
	vEgkai veRpin virin'ta kOgkin
10	mukai vanappu En'tiya muRRA iLamulait
	takai vaLarttu eTutta n'akaiyoTu,
	pakai vaLarttirun'ta ip paNpu il tAyE.

341

	vEn'tu kuRaiyuRavum koTAan, En'tu kOTTu
	am pUn' toTalai aNit tazai alkul,
	cem poRic cilampin iLaiyOL tan'tai,
	ezu viTTu amaitta tiN n'ilaik katavin
5	arai maN ijci n'AT koTi n'uTagkum
	..........................................................................................................
	pulik kaNattu anna kaTug kaN cuRRamoTu,
	mARRam mARAn, maRaliya cinattan,
	'pUk kOL' ena Eey, kayam pukkananE;
10	viLagkuizaip polin'ta vELA mel iyal,
	cuNagku aNi vana mulai, avaLoTu n'ALai
	maNam puku vaikal Akutal onRO
	Ar amar uzakkiya maRam kiLar munpin,
	n'IL ilai eHkam maRutta uTampoTu
15	vArA ulakam pukutal onRu enap
	paTai toTTananE, kurucil; AyiTaik
	kaLiRu porak kalagkiya taN kayam pOla,
	perug kavin izappatu kollO,
	men punal vaippin it taN paNai UrE!

343

	'mIn n'oTuttu n'el kuvaii,
	micai ampiyin manai maRukkun'tu,
	manaik kuvaiiya kaRi mUTaiyAl,
	kalic cummaiya karai kalakkuRun'tu;
5	kalam tan'ta poR paricam
	kazit tONiyAn, karai cErkkun'tu;
	malait tAramum kaTal tAramum
	talaip peytu, varun'arkku Iyum
	punal am kaLLin polan' tArk kuTTuvan
10	muzagku kaTal muzavin muciRi anna,
	n'alamcAl vizup poruL paNin'tu van'tu koTuppinum,
	puraiyar allOr varaiyalaL, ivaL' enat
	tan'taiyum koTAan Ayin van'tOr,
	vAyppaTa iRutta ENi AyiTai
15	varun'tinRu kollO tAnE parun'tu uyirttu
	iTai matil cEkkum puricai,
	paTai mayagku Ar iTai, n'eTu n'al UrE?

348

	veNNel arijar taNNumai verIi,
	kaN maTal koNTa tIm tEn iriya,
	kaL arikkum kuyam, ciRu cil
	mIn cIvum pAN cEri,
5	vAymozit tazumpan UNUr anna,
	kuvaLai uNkaN ivaLai, tAyE
	InALAyinaL Ayin, AnAtu
	n'izaltoRum n'eTun' tEr n'iRpa, vayintoRum,
	cen' n'utal yAnai piNippa,
10	varun'talaman em perun' tuRai maranE!

352

	tEem koNTa veN maNTaiyAn,
	vI...................................................................kaRakkun'tu;
	aval vakutta pacug kuTaiyAn,
	putal mullaip pUp paRikkun'tu;
5	Ampal vaLLit toTik kai makaLir
	kunRu ERip punal pAyin,
	puRa vAyAl punal vaLa
	............................................................ n'oTai n'aRavin
	mA vaN tittan veNNel vEli
10	uRan'tai anna uraicAl n'an kalam
	koTuppavum koLAane
	.......................r tan'ta n'Aku iLa vEgkaiyin,
	katirttu oLi tikazum n'uN pal cuNagkin
	mAk kaN malarn'ta mulaiyaL; tannaiyum
15	ciRu kOl uLaiyum puravi
	...................................................................... yamarE.

354

	araicu talaivarinum aTagkal AnA
	n'irai kAz eHkam n'Irin mUzkap
	puraiyOr cErn'tena, tan'taiyum peyarkkum;
	vayal amar kazani vAyil poykai,
5	kayal Ar n'Arai ukaitta vALai
	punalATu makaLir vaLa manai oyyum
	Ur kavin izappavum varuvatu kollO
	cuNagku aNin'tu eziliya aNan'tu En'tu iLa mulai,
	vIgku iRaip paNait tOL, maTan'tai
10	mAn piNai anna makiz maTa n'OkkE?

369

	iruppu mukaj ceRitta En'tu ezil maruppin,
	karug kai yAnai koNmU Aka,
	n'ILmozi maRavar eRivanar uyartta
	vAL min Aka, vayagku kaTippu amain'ta
5	kurutip paliya muracu muzakku Aka,
	aracu arAp panikkum aNagku uRu pozutin,
	vev vicaip puravi vIcu vaLi Aka,
	vicaippuRu val vil vIgku n'AN ukaitta
	kaNait tuLi pozin'ta kaN akan kiTakkai.
10	Irac ceRuvayin tEr Er Aka,
	viTiyal pukku, n'eTiya n'ITTi, n'in
	cerup paTai miLirn'ta tiruttuRu paij cAl,
	piTittu eRi veL vEl kaNaiyamoTu vitti,
	vizut talai cAytta veruvaru paig kUz,
15	pEymakaL paRRiya piNam piRagku pal pOrpu,
	kaNa n'ariyOTu kazutu kaLam paTuppa,
	pUtam kAppa, polikaLam tazIi,
	pATun'arkku irun'ta pITuTaiyALa!
	tEyvai veN kAz puraiyum vici piNi
20	vEyvai kANA virun'tin pOrvai
	arik kural taTAri uruppa oRRi,
	pATi van'ticin; peruma! pATu AnRu
	ezili tOyum imiz icai aruvi,
	ponnuTai n'eTug kOTTu, imaiyattu anna
25	OTai n'utala, olkutal aRiyA,
	tuTi aTik kuzaviya piTi iTai miTain'ta
	vEza mukavai n'alkumati
	tAzA Ikait takai veyyOyE!