mazapula vajci

7

kaLiRu kaTaiiya tAL,

kazal urIiya tirun'tu aTi,

kaNai porutu kavi vaN kaiyAl,

kaN oLirvarUum kavin cApattu,

5

mA maRutta malar mArpin,

tOl peyariya eRuz munpin,

ellaiyum iravum eNNAy, pakaivar

Ur cuTu viLakkattu azu viLik kampalaik

koLLai mEvalai; Akalin, n'alla

10

illa AkupavAl iyal tEr vaLava!

taN punal paran'ta pUcal maN maRuttu

mInin ceRukkum yANarp

payan tikaz vaippin piRar akan talai n'ATE.

	tiNai vajci; tuRai koRRavaLLai; mazapula vajciyum Am.
	cOzan karikAR peruvaLattAnaik karugkuzalAtanAr pATiyatu.

16

vinai mATciya virai puraviyoTu,

mazai uruvina tOl parappi,

munai murugkat talaic cenRu, avar

viLai vayal kavarpUTTi,

5

manai maram viRaku Akak

kaTi tuRai n'Irk kaLiRu paTIi,

ellup paTa iTTa cuTu tI viLakkam

cel cuTar jAyiRRuc cekkarin tOnRa,

pulam keTa iRukkum varampu il tAnai,

10

tuNai vENTAc ceru venRi,

pulavu vAL, pular cAn'tin,

murukaR cIRRattu, uru kezu kurucil!

mayagku vaLLai, malar Ampal,

panip pakanRai, kanip pAkal,

15

karumpu allatu kATu aRiyAp

perun' taN paNai pAz Aka,

Ema n'al n'ATu oL eri UTTinai,

n'Ama n'al amar ceyya,

OrAgku malain'tana, peruma! n'in kaLiRE.

	tiNai vajci; tuRai mazapulavajci.
	cOzan irAcacUyam vETTa perun'aRkiLLiyaip pANTarag kaNNanAr pATiyatu.

31

ciRappuTai marapin poruLum inpamum

aRattu vazippaTUum tORRam pOla,

iru kuTai pinpaTa Ogkiya oru kuTai,

uru kezu matiyin, n'ivan'tu, cEN viLagka,

5

n'al icai vETTam vENTi, vel pOrp

pAcaRai allatu n'I ollAyE;

n'utimukam mazugka maNTi, onnAr

kaTi matil pAyum n'in kaLiRu aTagkalavE;

'pOr' enin, pukalum punai kazal maRavar,

10

'kATu iTaik kiTan'ta n'ATu n'ani cEeya;

celvEm allEm' ennAr; 'kallen

vizavuTai AgkaN vERRup pulattu iRuttu,

kuNa kaTal pinnatu Aka, kuTa kaTal

veN talaip puNari n'in mAn kuLampu alaippa,

15

vala muRai varutalum uNTu' enRu alaman'tu,

n'ejcu n'aTugku avalam pAya,

tujcAk kaNNa, vaTa pulattu aracE.

	tiNai vAkai; tuRai araca vAkai; mazapulavajciyum Am.
	avanaik kOvUr kizAr pATiyatu.

	kaLiRu kaTaiiya tAL,
	kazal urIiya tirun'tu aTi,
	kaNai porutu kavi vaN kaiyAl,
	kaN oLirvarUum kavin cApattu,
5	mA maRutta malar mArpin,
	tOl peyariya eRuz munpin,
	ellaiyum iravum eNNAy, pakaivar
	Ur cuTu viLakkattu azu viLik kampalaik
	koLLai mEvalai; Akalin, n'alla
10	illa AkupavAl iyal tEr vaLava!
	taN punal paran'ta pUcal maN maRuttu
	mInin ceRukkum yANarp
	payan tikaz vaippin piRar akan talai n'ATE.

	vinai mATciya virai puraviyoTu,
	mazai uruvina tOl parappi,
	munai murugkat talaic cenRu, avar
	viLai vayal kavarpUTTi,
5	manai maram viRaku Akak
	kaTi tuRai n'Irk kaLiRu paTIi,
	ellup paTa iTTa cuTu tI viLakkam
	cel cuTar jAyiRRuc cekkarin tOnRa,
	pulam keTa iRukkum varampu il tAnai,
10	tuNai vENTAc ceru venRi,
	pulavu vAL, pular cAn'tin,
	murukaR cIRRattu, uru kezu kurucil!
	mayagku vaLLai, malar Ampal,
	panip pakanRai, kanip pAkal,
15	karumpu allatu kATu aRiyAp
	perun' taN paNai pAz Aka,
	Ema n'al n'ATu oL eri UTTinai,
	n'Ama n'al amar ceyya,
	OrAgku malain'tana, peruma! n'in kaLiRE.

	ciRappuTai marapin poruLum inpamum
	aRattu vazippaTUum tORRam pOla,
	iru kuTai pinpaTa Ogkiya oru kuTai,
	uru kezu matiyin, n'ivan'tu, cEN viLagka,
5	n'al icai vETTam vENTi, vel pOrp
	pAcaRai allatu n'I ollAyE;
	n'utimukam mazugka maNTi, onnAr
	kaTi matil pAyum n'in kaLiRu aTagkalavE;
	'pOr' enin, pukalum punai kazal maRavar,
10	'kATu iTaik kiTan'ta n'ATu n'ani cEeya;
	celvEm allEm' ennAr; 'kallen
	vizavuTai AgkaN vERRup pulattu iRuttu,
	kuNa kaTal pinnatu Aka, kuTa kaTal
	veN talaip puNari n'in mAn kuLampu alaippa,
15	vala muRai varutalum uNTu' enRu alaman'tu,
	n'ejcu n'aTugku avalam pAya,
	tujcAk kaNNa, vaTa pulattu aracE.