93

	tiN piNi muracam izumena muzagkac
	cenRu, amar kaTattal yAvatu? van'tOr
	tAr tAgkutalum ARRAr, veTipaTTu,
	OTal marIiya pITu il mannar
5	n'OyppAl viLin'ta yAkkai tazIi,
	kAtal maRan'tu, avar tItu marugku aRumAr,
	aRam puri koLkai n'AnmaRai mutalvar
	tiRam puri pacum pul parappinar kiTappi,
	'maRam kan'tAka n'al amar vIzn'ta
10	n'IL kazal maRavar celvuzic celka!' ena
	vAL pOzn'tu aTakkalum uyn'tanar mAtO
	vari jimiRu Arkkum vAy puku kaTAattu
	aNNal yAnai aTu kaLattu oziya,
	aruj camam tataiya n'URi, n'I,
15	perun' takai! vizup puN paTTa mARE.