319

	pUval paTuvil kUval tONTiya
	ceg kaN cil n'Ir peyta cIRil
	munRil irun'ta mutu vAyc cATi
	yAm kaHTu uNTena, vaRitu mAcu inRu;
5	paTalai munRil ciRu tinai uNagkal
	puRavum italum aRavum uNkenap
	peytaRku ellinRu pozutE; atanAn,
	muyal cuTTa Ayinum tarukuvEm; pukutan'tu
	Igku irun'tImO, mutu vAyp pANa!
10	koTug kOTTu AmAn n'aTugku talaik kuzavi
	pun talaic ciRAar kanRu enap pUTTum
	cIRUr mannan n'erun'ai jAgkar,
	vEn'tu viTu toziloTu cenRanan; van'tu, n'in
	pATini mAlai aNiya,
15	vATAt tAmarai cUTTuvan n'inakkE.