பொல்லா, என மறையாய் வரும்.
 

இனி, வகரம்,  ‘கதவவாற்   றக்கதோ  காழ்கொண்ட  இளமுலை?’
(கலி.57.19) என்புழிக் கதத்தினையுடைய என வரும்.
 

இனித்  தெரிநிலையுடன்  கூடிய  டகர  உகரம்  பூணை உடைத்து,
என்னும்   பொருண்மைக்கண்   பூட்டு  எனவும்;  இடத்தது  என்னும்
பொருண்மைக்கண், ‘வகைதெரிவான் கட்டே உலகு’ (குறள்.27) எனவும்;
எந்நாளது  என்னும்  பொருண்மைக்கண்,  எந்நாட்  டாகுநும் போரே?
எனவும்;  விளைவினை உடைத்து; என்னும் பொருண்மைக்கண், ‘வேலி,
ஆயிரம் விளையுட்டாக!’ (பொருந. 246-47) எனவும்; குழிவினையுடைய
கண்ணை   உடைத்து,   என்னும்  பொருண்மைக்கண்,  குண்டு  கட்டு
எனவும்;   பொருள்,   இடம்,   காலம்,  தொழில்,  உறுப்பு  என்னும்
ஐவகைப்பெயரும்  அடியாக  வரும்.  ஓட  வற்று,  ஓட  வல்ல;  ஓட
வல்லாது, ஓட வல்லா என்பனவுங் கொள்க. (24)
 

விரவு வினையின் பெயரும் முறையுந் தொகையும்
 

224.

இது,  நிறுத்த   முறையானே  விரவுவினை  உணர்த்துகின்றவற்றின்
பெயரும் முறையுந் தொகையுங் கூறுகின்றது.
 

(இ-ள்.)  முன்னிலை - எதிர்முகமாக நின்ற பொருளினது தொழில்
உணர்த்தும்  முற்றுச்சொல்லும், வியங்கோள்-படர்க்கைப் பொருள்மேல்
ஏவற்பொருண்மையைக் கொண்