திரிதலாகிய குறிப்பு உணர்த்தும், எ-று. 

(எ-டு.) ‘துயவுற்றேம் யாமாக’ என வரும்.              (70) 

உயா என்பதன் பொருள்

369. உயாவே உயங்கல். 

இதுவும் அது. 

(இ-ள்)  உயாவே  உயங்கல்-உயா  வருத்தமாகிய  குறிப்பு உணர்த்தும், எ-று. 

(எ-டு.)  ‘பருந்திருந்  துயாவிளி  பயிற்று மியாவுயர் நனந்தலை’ (அகம். 19:2,3) என வரும்.                       (71) 

உசா என்பதன் பொருள்

370. உசாவே சூழ்ச்சி.  

இதுவும் அது. 

(இ-ள்.)  சாவே சூழ்ச்சி-உசா  சூழ்ச்சியாகிய  குறிப்பு  உணர்த்தும்,
எ-று. 

(எ-டு.) ‘உசாத்துணை’ (தொல்.பொ. 126) என வரும்.        (72)  

வயா என்பதன் பொருள் 

371. வயாவென் கிளவி வேட்கைப் பெருக்கம். 

இதுவும் அது. 

(இ-ள்.)  வயா  என்   கிளவி    வேட்கைப்  பெருக்கம்-  வயா
என்னுஞ்  சொல் வேட்கையினது பெருக்கமாகிய குறிப்பு உணர்த்தும்,
எ-று. 

(எ-டு.)  ‘வயாவும் வருத்தமும் ஈன்றக்கால்  நோவும்’ (நாலடி. 201)
என  வரும்.  இது,  ‘வயவுறு  மகளிர்’  (புறம்.20:14)  எனத் திரிந்தும்
நிற்கும். ஈண்டு  வேட்கை   என்றது,  கருப்பம்  தங்கி  வருத்தமுற்று
நுகரப்படும் பொருள்மேல் செல்லும் வேட்கையை.            (73) 

கறுப்பு சிவப்பு என்பவற்றின் பொருள்

372. கறுப்பும் சிவப்பும் வெகுளிப் பொருள.  

இதுவும் அது. 

(இ-ள்)  கறுப்பும்  சிவப்பும் வெகுளிப் பொருள-கறுப்பும் சிவப்பும்
வெகுளாகிய குறிப்புப் பொருண்மையை உடைய, எ-று. 

மேற்கூறியன நிறப்பண்பும் உணர்த்தல்

373. நிறத்துரு உணர்த்தற்கும் உரிய என்ப. 

இஃது, எய்தியதன்மேல் சிறப்பு விதி.  

(இ-ள்.)     நிறத்து உரு உணர்த்தற்கும் உரிய என்-கறுப்பு, சிவப்பு
எனத்  தொழிற்படுத்துக் கூறிய சொற்கள் வெகுளியே அன்றி நிற வேறு
பாடாகிய  பண்பு  உணர்த்துதற்கும்  உரிய  என்று கூறுவர் ஆசிரியர்,
எ-று. 

இவை தொழிற்பட்டுழியும் பண்பு   உணர்த்தும்  என  வெளிப்படு
சொல்லையுங் கூறினார், ஐயம் அகற்றுதற்கு. 

(எ-டு.) ‘கறுத்த  காயா’   ‘சிவந்த   காந்தள்  முதல்சிதை  மூதில்’
(பதிற்.15:11) என வரும்.                           (75)   

நொசிவு, நுழைவு, நுணங்கு: பொருள்

374. நொசிவும் நுழைவும் நுணங்கும் நுண்மை. 

இதுவும் அது. 

(இ-ள்.) நொசிவும் நுழைவும் நுணங்கும் நுண்மை - நொசிவு