விடை தலை இறும்பு கதழும் நாறு கொடிப் புறவின், வேறு புலம் படர்ந்த ஏறுடை இனத்த வளை ஆன் தீம் பால், மிளை சூழ் கோவலர், வளையோர் உவப்பத் தருவனர் சொரிதலின், பலம் பெறு நசையொடு பதி வயின் தீர்ந்த நும் புலம்பு சேண் அகலப் புதுவிர் ஆகுவிர்; பகர் விரவு நெல்லின் பல அரி அன்ன, தகர் விரவு துருவை வெள்ளையொடு விரைஇக் கல்லென் கடத்திடைக் கடலின் இரைக்கும் பல் யாட்டு இன நிரை எல்லினிர் புகினே, பாலும் மிதவையும் பண்ணாது பெறுகுவிர்; துய்ம் மயிர் அடக்கிய சேக்கை அன்ன, மெய் உரித்து இயற்றிய மிதி அதள் பள்ளித் தீத் துணை ஆகச் சேந்தனிர் கழிமின்