கடவுள் வாழ்த்து.

பாரதம்பாடிய பெருந்தேவனார் பாடியது.

இதன்  பொருள் - திருமுடிமேற் சூடப்படுங் கண்ணி கார்காலத்து
மலரும்  நறிய  கொன்றைப்பூ;  அழகிய நிறத்தையுடைய திருமார்பின்
மாலையும்  அக்  கொன்றைப்பூ;  ஏறப்படுவது தூய வெளிய ஆனேறு;
மிக்க  பெருமை பொருந்திய கொடியும் அவ்வானேறென்று சொல்லுவர்;
நஞ்சினது   கறுப்பு,   திருமிடற்றை   அழகு   செய்தலும்  செய்தது;
அக்கறுப்பு,   தான்  மறுவாயும்  வானோரை  உய்யக்கொண்டமையின்,
வேதத்தைப்   பயிலும்   அந்தணராற்  புகழவும்படும்;  பெண்  வடிவு
ஒருபக்கமாயிற்று;    ஆய   அவ்வடிவுதான்,   தன்னுள்ளே   ஒடுக்கி
மறைக்கினும்    மறைக்கப்படும்;    பிறை,   திருநுதற்கு   அழகாயது.
அப்பிறைதான்   பெரியோன்  சூடுதலால்,  பதினெண்  கணங்களாலும்
புகழவும்படும்;   எவ்வகைப்பட்ட   உயிர்களுக்கும்   காவலாகிய,  நீர்
தொலைவறியாக்  குண்டிகையானும்  தாழ்ந்த திருச்சடையானும் சிறந்த
செய்தற்கரிய தவத்தையுடையோனுக்கு - என்றவாறு.
 

தன்னுளடக்கிக்  கரக்கினும்  கரக்குமென்பதற்கு   அவ்வடிவுதான்
எல்லாப் பொருளையும் தன்னுள்ளேயடக்கி அவ்விறைவன்