159..	மோர் இன்று, அவிழ்ப் பதம் மறந்து, பாசடகு மிசைந்து, மாசொடு குறைந்த உடுக்கையள், அறம் பழியா, துவ்வாளாகிய என் வெய்யோளும்; என்றாங்கு, இருவர் நெஞ்சமும் உவப்ப - கானவர் கரி புனம் மயக்கிய அகன் கண் கொல்லை, ஐவனம் வித்தி, மையுறக் கவினி, ஈனல் செல்லா ஏனற்கு இழுமெனக் கருவி வானம் தலைஇ யாங்கும், ஈத்த நின் புகழ் ஏத்தி, தொக்க என், பசி தினத் திரங்கிய, ஒக்கலும் உவப்ப - உயர்ந்து ஏந்து மருப்பின் கொல்களிறு பெறினும், தவிர்ந்து விடு பரிசில் கொள்ளலென்; உவந்து, நீ இன்புற விடுதி ஆயின், சிறிது குன்றியும் கொள்வல், கூர் வேற் குமண! அதற்பட அருளல் வேண்டுவல் - விறற் புகழ் வசை இல் விழுத் திணைப் பிறந்த இசை மேந் தோன்றல்! நிற் பாடிய யானே.
	திணை அது; துறை: பரிசில் கடாநிலை.   அவனை  அவர்   பாடியது.   (குமணனைப்  பெருஞ்சித்திரனார் பாடியது.)
160	'உரு கெழு ஞாயிற்று ஒண் கதிர் மிசைந்த முளி புற் கானம் குழைப்ப, கல்லென அதிர் குரல் ஏறொடு துளி சொரிந்தாங்கு, பசி தினத் திரங்கிய கசிவுடை யாக்கை