270...	அரிக் குரற் தண்ணுமை இன் இசை கேட்ட துன் அரு மறவர் வென்றி தரு வேட்கையர், மன்றம் கொண்மார், பேர் அமர் உழந்த வெருவரு பறந்தலை, விழு நவி பாய்ந்த மரத்தின், வாள் மிசைக் கிடந்த ஆண்மையோன் திறத்தே.
	திணை: கரந்தை; துறை: கையறு நிலை.
	கழாத்தலையார் பாடியது.
271	நீர் அறவு அறியா நிலமுதற் கலந்த கருங்குரல் நொச்சிக் கண் ஆர் குரூஉத் தழை, மெல் இழை மகளிர் ஐது அகல் அல்குல், தொடலை ஆகவும் கண்டனம்; இனியே, வெருவரு குருதியொடு மயங்கி, உருவு கரந்து, ஒறுவாய்ப் பட்ட தெரியல் ஊன் செத்து, பருந்து கொண்டு உகப்ப யாம் கண்டனம் - மறம் புகல் மைந்தன் மலைந்தமாறே!
	திணை: நொச்சி; துறை: செருவிடை வீழ்தல்.
	வெறிபாடிய காமக்கண்ணியார் பாடியது.
272	மணி துணர்ந்தன்ன மாக்குரல் நொச்சி! போது விரி பல் மரனுள்ளும் சிறந்த காதல் நல் மரம் நீ; நிழற்றிசினே! கடியுடை வியல் நகர்க் காண்வரப் பொலிந்த தொடியுடை மகளிர் அல்குறும் கிடத்தி; காப்புடைப் புரிசை புக்கு மாறு அழித்தலின், ஊர்ப் புறங்கொடாஅ நெடுந்தகை பீடு கெழு சென்னிக் கிழமையும் நினதே.
	திணையும் துறையும் அவை. (நொச்சி, செருவிடை வீழ்தல்)
273	மா வாராதே; மா வாராதே; எல்லார் மாவும் வந்தன; எம் இல், புல் உளைக் குடுமிப் புதல்வற் தந்த செல்வன் ஊரும் மா வாராதே - இருபேர் யாற்ற ஒரு பெருங் கூடல் விலங்கிடு பெரு மரம் போல, உலந்தன்றுகொல், அவன் மலைந்த மாவே?
	திணை: தும்பை; துறை: குதிரை மறம்.
	எருமை வெளியனார் பாடியது.
274	நீலக் கச்சை, பூ ஆர் ஆடை, பீலிக் கண்ணிப் பெருந்