சொல்லின்  பயனுடைய   சொல்லற்க   சொல்லில்  பயனிலாச் சொல். சொற்களில் பயன் உடைய சொற்களைச் சொல்லுக, சொற்களில் பயன் இல்லாத   சொற்களைச்   சொல்லாது  ஒழிக.  ''சொல்லில்''  என்பது இருவழியும்  மிகையாயினும்,  சொற் பொருட் பின்வருநிலை என்னும் அணி  நோக்கி  வந்தது. "வைகலும் வைகல் வரக்கண்டும்" நாலடி 39 என்பது    போல.    இதனால்   சொல்லப்படுவனவும்  படாதனவும் நியமிக்கப்பட்டன.  அஃதாவது, பாவங்களாயின செய்தற்கு அஞ்சுதல். இதனான்   மெய்யின்கண்  நிகழும்  பாவங்கள்  எல்லாம் தொகுத்து விளக்குகின்றார்    ஆகலின்.இது   பயன்இல   சொல்லாமையின்பின் வைக்கப்பட்டது.   தீவினையார்   அஞ்சார்   விழுமியார்  அஞ்சுவர் தீவினை   என்னும்   செருக்கு.   தீவினை   என்று  சொல்லப்படும் மயக்கத்தை,   முன்   செய்த  தீவினையுடையார்  அஞ்சார்,  அஃது இலராகிய  சீரியார்  அஞ்சுவர்.  ''தீவினை  என்னும் செருக்கு'' எனக் காரியம்   காரணமாக  உபசரிக்கப்பட்டது.  மேல்  தொட்டுச் செய்து கைவந்தமையான்   ''அஞ்சார்''   என்றும்,  செய்து  அறியாமையான் ''அஞ்சுவர்''  என்றும்  கூறினார்.  தீயவை  தீய  பயத்தலால் தீயவை தீயினும்   அஞ்சப்  படும்.  தனக்கு  இன்பம்  பயத்தலைக்  கருதிச் செய்யும்  தீவினைகள்,  பின் அஃது ஒழித்துத் துன்பமே பயத்தலான், அத்தன்மையாகிய  தீவினைகள்  ஒருவனால்  தீயினும்  அஞ்சப்படும். பிறிதொரு  காலத்தும்,  பிறிதொரு  தேயத்தும், பிறிதோர் உடம்பினும் சென்று  சுடுதல்  தீக்கு இன்மையின், தீயினும்  அஞ்சப்படுவதாயிற்று. அறிவினுள் எல்லாந் தலையென்ப தீய செறுவார்க்கும் செய்யா விடல். தமக்கு உறுதி நாடும் அறிவுரைகள் எல்