தொழிற்  பெயராக  வந்த  வினை  எச்சம்.  வாய்த்தல்:  நேர்படுதல். அரியஎன் றாகாத இல்லைபொச் சாவாக் கருவியால் போற்றிச் செயின். இவை  செய்தற்கரியன  என்று  சொல்லப்பட்டு  ஒருவற்கு  முடியாத காரியங்கள் இல்லை, மறவாத மனத்தானே எண்ணிச் செய்யப் பெறின். பொச்சாவாத    என்பதன்    இறுதிநிலை   விகாரத்தால்  தொக்கது. அந்தக்கரணமாகலின்   ''கருவி''   என்றார்.  இடைவிடாத  நினைவும் தப்பாத   சூழ்ச்சியும்   உடையார்க்கு   எல்லாம்  எளிதில்  முடியும் என்பதாம்.  இவை  இரண்டு  பாட்டானும் பொச்சாவாமையது சிறப்புக் கூறப்பட்டது.   புகழ்ந்தவை   போற்றிச்   செயல்வேண்டும்  செய்யா திகழ்ந்தார்க்  கெழுமையும்  இல்.  நீதி நூலுடையார் இவை அரசர்க்கு உரியன  என்று  உயர்த்துக்  கூறிய  செயல்களைக்   கடைப்பிடித்துச் செய்க,  அங்ஙனம்  செய்யாது  மறந்தவர்க்கு எழுமையினும்  நன்மை இல்லை ஆகலான். அச்செயல்களாவன: மூவகை ஆற்றலும், நால்வகை உபாயமும்,  ஐவகைத்  தொழிலும்,  அறுவகைக்  குணமும்  முதலாய செயல்கள்.  சாதி  தருமமாகிய  இவற்றின்  வழீஇயோர்க்கும் உள்ளது நிரயத்  துன்பமே  ஆகலின்,  ''எழுமையும் இல்''் என்றார்.  ''எழுமை'' ஆகு    பெயர்,   இதனான்   பொச்சாவாது   செய்ய  வேண்டுவன கூறப்பட்டன.    இகழ்ச்சியின்    கெட்டாரை    உள்ளுக   தாம்தம் மகிழ்ச்சியின்  மைந்துறும்  போழ்து. அரசர் தம் மகிழ்ச்சிக்கண்  தாம் வலியுறும்    பொழுது,    முற்காலத்து    அதனினாய    சோர்வால் கெட்டவர்களை   நினைக்க.   காரணங்களோடு   அவர்க்கு உளதாய உரிமையை   மகிழ்ச்சிமேல்   ஏற்றித்  தம்  மகிழ்ச்சியின்   என்றும், இகழ்ச்சியும்   கேடும்  உடன்  தோன்றும்  ஆகலின்,  ''மகிழ்ச்சியின் மைந்துறும்  போழ்து'' என்றும் கூறினார். கெட்டாரை உளவே, ''நாமும் அவ்வாறே  கெடுதும்'' என்று அதன்கண் மைந்துறார் என்பது கருத்து. எண்ணுக   என்று   பாடம்  ஓதுவாரும்  உளர்.  உள்ளிய  தெய்தல் எளிதுமன் மற்றும்தான் உள்ளிய துள்ளப் பெறின். அரசனுக்குத்  தான் எ