பொருள்     செயல்  வகை  இனிப் பெரும்பான்மையும்  நாட்டானும் அரணானும்  ஆக்கவும்  காக்கவும் படுவதாய பொருளைச் செய்தலின் திறம்   இவ்வதிகாரத்தாற்   கூறுகின்றார்.   பொருள்அல்   லவரைப் பொருளாகச்   செய்யும்   பொருள்அல்ல   தில்லை  பொருள்.  ஒரு பொருளாக    மதிக்கப்படாதாரையும்   படுவாராகச்   செய்ய  வல்ல பொருளையொழிய; ஒருவனுக்குப் பொருளாவதில்லை. மதிக்கப்படாதார் -  அறிவிலாதார்,  இழி  குலத்தார், இழிவு சிறப்புஉம்மை விகாரத்தால் தொக்கது.    மதிக்கப்படுவாராகச்   செய்தல்   -   அறிவுடையாரும் உயர்குலத்தாரும்  அவர்பாற்சென்று  நிற்கப்  பண்ணுதல்.  அதனால் ஈட்டப்படுவது    அதுவே;    பிறிதில்லை   என்பதாம்.  இல்லாரை எல்லோரும் எள்ளுவர் செல்வரை எல்லாரும் செய்வர் சிறப்பு. எல்லா நன்மையும்     உடையராயினும்     பொருளில்லாரை     யாவரும் இகழ்வர்;எல்லாத்தீமையும்   உடையராயினும்   அஃது   உடையாரை யாவரும்  உயரச்  செய்வர். உயரச் செய்தல் - தாம் தாழ்ந்து  நிற்றல். இகழ்தற்கண்ணும்  தாழ்தற்கண்ணும்  பகைவர்,  நட்டார்,  நொதுமலர் என்னும்  மூவகையாரும்  ஒத்தலின்,  ''யாவரும்''  என்றார்.  பின்னும் கூறியது  அதனை  வலியுறுத்தற்பொருட்டு. பொருளென்னும் பொய்யா விளக்கம்  இருள்அறுக்கும்  எண்ணிய  தேயத்துச்  சென்று. பொருள் என்று  எல்லாரானும்  சிறப்பிக்கப்படும்  நந்தா  விளக்கு;  தன்னைச் செய்தவர்க்கு  அவர்  நினைத்த  தேயத்துச்  சென்று பகை என்னும் இருளைக்      கெடுக்கும்.       எல்லார்க்கும்      எஞ்ஞான்றும் இன்றியமையாததாய்  வருதல்  பற்றி.  ''பொய்யா விளக்கம்'' என்றும், ஏனைய   விளக்கோடு  இதனிடை  வேற்றுமை  தோன்ற ''எண்ணிய தேயத்துச் சென்று'' என்றும் கூறினார். ஏகதேச உருவகம்.