வெம்மைவெய் துறாது தன்மையில் திரியவும் பண்புஇல் காதலன் பரத்தமை நோனாது உண்கண் சிவந்தாங்கு ஒல்குகொடி போன்று தெருட்டவும் தெருளாது ஊடலொடு துயில்வோர் விரைப்பூம் பள்ளி வீழ்துணை தழுவவும் தளர்நடை ஆயமொடு தங்காது ஓடி விளையாடு சிறுதேர் ஈர்த்துமெய் வருந்தி அமளித் துஞ்சும் ஐம்படைத் தாலிக் குதலைச் செவ்வாய் குறுநடைப் புதல்வர்க்குக் காவல் பெண்டிர் கடிப்பகை எறிந்து தூபம் காட்டித் தூங்குதுயில் வதியவும் இறைஉறை புறவும் நிறைநீர்ப் புள்ளும் காவுறை பறவையும் நாஉள் அழுந்தி விழவுக்களி அடங்கி முழவுக்கண் துயின்று பழவிறல் மூதூர் பாயல்கொள் நடுநாள் கோமகன் கோயில் குறுநீர்க் கன்னலின் யாமம் கொள்பவர் ஏத்துஒலி அரவமும் உறையுள்நின்று ஒடுங்கிய உண்ணா உயக்கத்து நிறைஅழி யானை நெடுங்கூ விளியும் தேர்வழங்கு தெருவும் சிற்றிடை முடுக்கரும் ஊர்காப் பாளர் எறிதுடி ஓதையும் முழங்கு