குலைக் கமுகும் வாழையும் வஞ்சியும் பூக்கொடி வல்லியும் கரும்பும் நடுமின் பத்தி வேதிகைப் பசும்பொன் தூணத்து முத்துத் தாமம் முறையொடு நாற்றுமின விழவுமலி மூதூர் வீதியும் மன்றமும் பழமணல் மாற்றுமின் புதுமணல் பரப்புமின் கதலிகைக் கொடியும் காழ்ஊன்று விலோதமும் மதலை மாடமும் வாயிலும் சேர்த்துமின் நுதல்விழி நாட்டத்து இறையோன் முதலாப் பதிவாழ் சதுக்கத்துத் தெய்வம்ஈ றாக வேறுவேறு சிறப்பின் வேறுவேறு செய்வினை ஆறுஅறி மரபின் அறிந்தோர் செய்யுமின் தண்மணல் பந்தரும் தாழ்தரு பொதியிலும் புண்ணிய நல்உரை அறிவீர் பொருந்துமின் ஒட்டிய சமயத்து உறுபொருள் வாதிகள் பட்டிமண் டபத்துப் பாங்குஅறிந்து