நிலம்பெயர்ந் துறைத னெடுந்தகை வேண்டான் தொகுதந் தீண்டிக் கிளைஞ ராகிப் புகுதந் தீகவிப் புனலாட் டகத்தெனச் சாற்றிடக் கொண்ட வேற்றுரி முரசம் திருநகர் மூதூர்த் தெருவுதோ றெருக்கி மெய்காப் பிளைய ரல்லது கைகூர்ந் திடைகொள வரினு மிருபத் தொருநாட் படைகொளப் பெறாஅப் படிவத் தானையன் தாழ்புனற் றாரையுந் தமரொடு தருக்கும் நாழிகைத் தூம்பு நறுமலர்ப் பந்தும் சுண்ண வட்டுஞ் சுழிநீர்க் கோடுமென் றெண்ணிய பிறவு மிளையோர்க் கியைந்த புனலகத் துதவும் போகக் கருவி பணையெருத் தேற்றிப் பண்ணின வாகி மாலையு மணியு மத்தகப் பட்டும் கோதையு மணிந்த கோல முடையன திருநீ ராட்டினுட் டேவியர்க் காவன மேவிய வனப்பொடு மிசைபிறர்ப் பொறாதன பாக ரூரப் பக்கஞ் செல்வன ஆறாட் டிளம்பிடி யாயிரத் தங்கட் குறும்பொறை மருங்கிற் குன்றம் போல இருநில நனைப்ப விழிதரு கடாத்துக் கைம்மிகக் களித்த கவுள தாயினும் செயிர்கொண் மன்னர் செருவிடத் தல்ல துயிர்நடுக் குறாஅ வேழம் பண்ணி அரசுகை கொடுப்ப வண்ணாந் தியலிக் கடிகை யாரங் கழுத்தின் மின்னப் பயிர்கொள் வேழத்துப் பணையெருத் திரீஇக் கடவுட் கல்லது காறுளக் கில்லது தடவுநிலை நிழற்றிய தாம வெண்குடை ஏந்திய நீழற் சாந்துகண் புலர்த்திய பரந்த கவரிப் படாகைச் சுற்றத் துயர்ந்த வுழைக்கலத் தியன்ற வணியின் முந்நீ ரொலியின் முழங்கு முரசமொ டின்னீர் வெள்வளை யலறு மார்ப்பின் மைந்துன மன்னரு மந்திரத் துணைவரும் அத்துணை சான்ற வந்த ணாளரும் சுற்றுபு சூழ முற்றத்