119.	புரிசை நீண்மதிற் போதன மாநகர் அரைசர் வார்த்தையவ் வாறது நிற்கவே விரைசெய் வார்பொழில் விஞ்சையர் சேடிமேல் உரையை யாமுரைப் பானுற நின்றதே.
120.	நிலவு வெண்சுடர் பாய்நில மொப்பநீண் டுலவு நீள்கட றீண்டி யுயர்ந்து போய் மலர வின்மணி வானவின் மாடெலாம் விலகி நின்றது விஞ்சையர் குன்றமே.
121.	தொக்க வானவர் சூழ்குழ லாரொடும் ஒக்க வாங்குள ராய்விளை யாடலால் உக்க சோதிகள் சோலையி னூடெலாம் செக்கர் வானக முஞ்சிறி தொக்குமே.
122.	அவிழுங் காதல ராயர மங்கையர் பவழ வாயமு தம்பரு கிக்களி தவழு மென்முலை புல்லத் ததைந்ததார் கமழ நின்றன கற்பகச் சோலையே.
123.	கிளருஞ் சூழொளிக் கின்னர தேவர்தம் வளரும் பூண்முலை யாரொடு வைகலால் துளருஞ் சந்தனச் சோலைக ளூடெலாம் நளிருந் நெய்வ நறுங்குளிர் நாற்றமே.
124.	மங்குல் வாடை