இ - ள். தொழிலாற் கூறப்படும் ஆன் ஈற்றுப் பெயர் ஆய் என வரும் விளித்தற் கண்ணும், எ - று.

எ - டு. உண்டான், வந்தான் என்னுந் தொழிற்பெயர் உண்டாய், வந்தாய் என விளியேற்கும், தொழில் என்றதனாற் குறிப்பு வினைப் பெயருங் கொள்க. உடையான், கழலான் என்பன உடையாய், கழலாய் என வரும்.

ஈண்டு விளிவயினான என விதந்தோதினமையால், தொழிலால் வருஞ் சொல் முன்னிலை வினையாகிய வழியும் உண்டாய் எனவரும்: அஃதன்று இது என்பதூஉம், அதனோடு இதனிடை ஓசை வேறுபாடு உளது என்பதூஉம் அறிவித்தற்கு எனக் கொள்க.

(15)