இஃது, அவற்றுட் சிலவற்றிற்கு எய்தியது விலக்குதல் நுதலிற்று. (இ-ள்) நெட்டெழுத்து இம்பர் ஒற்று மிகத்தோன்றும்-நெட்டெழுத்தின் பின்னாக (இடை) இனவொற்று மிகத்தோன்றும், அப்பால் மொழிகள் அல்வழியான - அக் கூற்று மொழிகள் அல்லாத இடத்தின்கண்ணே. அவ்வீறு இன்சாரியை பெறுவது ஆண்டாயின் பெறாது. எ - டு: யாட்டை, யாட்டொடு என வரும். அப்பான் மொழிகளாவன கசதபக்கள். இவை இனவொற்று மிகாதென்று கொள்க. `தோன்றும்' என்றதனான், உயிர்த்தொடர் மொழியும் இன்பெறாது இனவொற்று மிகுதல் கொள்க. முயிற்றை, முயிற்றொடு என வரும். (24)
|