இஃது, ஐகாரவீற்று அல்வழி முடிபு தொகை மரபினுட் கூறி நின்றமையின் அதன் வேற்றுமை முடிபு கூறுதல் நுதலிற்று. (இ-ள்) ஐகார இறுதிப் பெயர்நிலை முன்னர் - ஐகார வீற்றுப் பெயர்ச்சொல் முன்னர், வேற்றுமை ஆயின் வல்லெழுத்து மிகும் - அதிகாரத்தாற் க ச த ப முதல்மொழி வந்தவழி வேற்றுமைப் பொருட்புணர்ச்சியில் தமக்குப் பொருந்தின வல்லெழுத்து மிக்கு முடியும். எ - டு : யானைக்கோடு; செவி, தலை, புறம் என வரும். (78)
|