இதுவும் அது . (இ-ள்) தேன் என் கிளவி வல்லெழுத்து இயையின் - தேன் என்னும் சொல் வல்லெழுத்து முதன்மொழியாய் வந்து பொருந்தின் , மேல்நிலை ஒத்தலும் வல்லெழுத்து மிகுதலும் ஆ முறை இரண்டும் உரிமையும் உடைத்து - மேல் மீன் என்னும் சொல்லிற்குச் சொன்ன திரிபுறழ்ச்சியின் நிலைமையை யொத்து முடிதலும் வருமொழி வல்லெழுத்து மிக்கு முடிதலுமாகிய அம் முறையையுடைய இரண்டினையும் உரித்தாதலையும் உடைத்து ; வல்லெழுத்து மிகுவழி இறுதி இல்லை - வல்லெழுத்து மிகுமிடத்து நிலைமொழியிறுதி னகரவொற்று நிலையின்றிக் கெடும் . `உரிமையும்' என்றவும்மை "மெல்லெழுத்து மிகினும்" (சூத் - 342) என மேல்வருகின்ற முடிவினை நோக்கி நின்றது . எ - டு : தேன்குடம் , தேற்குடம் , சாடி , தூதை , பானை , எனவும் ; தேக்குடம் ; சாடி , தூதை , பானை எனவும் வரும். (45)
|