இதுவும், அவ்வீற்றுள் ஒன்றற்கு எய்தியது விலக்கிப் பிறிது விதி வகுத்தல் நுதலிற்று. (இ-ள்) குமிழ் என் கிளவி மரப்பெயர் ஆயின்- குமிழ் என்னும் சொல் குமிழ்த்தல் என்னும் தொழிலன்றி மரப்பெயராயின், பீர் என் கிளவியொடு ஓர் இயற்று ஆகும்- பீர் என் கிளவியோடு ஓர் இயல்பிற்றாய் மெல்லெழுத்தும் அம்முச்சாரியையும் பெற்று முடியும். எ - டு : குமிழங்கோடு; செதிள்,தோல்,பூ என வரும். `ஓர் இயற்று' என்றதனால், பிறவற்றிற்கும் இம்முடிபு கொள்க. மகிழங்கோடு என வரும். (91)
|