இஃது, இவ்வீற்றுத் தொழிற்பெயர்க்கு வேற்றுமைக்கண்ணும் அல்வழிக்கண்ணும் எய்தியது விலக்கிப் பிறிதுவிதி வகுத்தல் நுதலிற்று. (இ-ள்) தொழிற்பெயர் எல்லாம் தொழிற்பெயர் இயல - (ளகார ஈற்றுத்) தொழிற்பெயரெல்லாம் வேற்றுமைக்கண்ணும் அல்வழிக்கண்ணும் ஞகார ஈற்றுத் தொழிற்பெயர் இயல்பிற்றாய்(வன்கணம்) வந்தவழி வல்லெழுத்தும் உகரமும் பெற்றும் மென்கணமும் இடைக்கணத்து வகரமும் வந்தவழி உகரம் பெற்றும் முடியும். எ - டு : துள்ளுக்கடிது; சிறிது, பெரிது, ஞான்றது , நீண்டது, மாண்டது, வலிது எனவும் ; துள்ளுக்கடுமை: சிறுமை, தீமை, பெருமை, ஞாற்சி, நீட்சி, மாட்சி , வலிமை எனவும் வரும். `எல்லாம்' என்றதனால் , தொழிற்பெயர்கள் இருவழியும் இவ்வாறன்றிப் பிறவாறு முடிவனவும் கொள்க. கோள்கடிது, கோட்கடிது: வாள்கடிது,வாட்கடிது; சிறிது. தீது, பெரிது எனவும் ; கோள்கடுமை; கோட்கடுமை; வாள்கடுமை , வாட்கடுமை; சிறுமை, தீமை, பெருமை எனவும் வரும். ஈண்டு, வாள் என்றது கொல்லுதலை. (106)
|