இதுவும், அவ்வீற்றுள் சிலவற்றிற்கு எய்தியது விலக்கிப் பிறிதுவிதி வகுத்தல் நுதலிற்று. (இ-ள்) புள்ளும் வள்ளும் தொழிற்பெயர் இயல - புள் என்னும் சொல்லும் வள் என்னும் சொல்லும் (வேற்றுமைக் கண்ணும் அல்வழிக்கண்ணும் ஞகார ஈற்றுத்) தொழிற்பெயர் இயல்பிற்றாய் (வன்கணத்து உகரமும் வல்லெழுத்தும் பெற்றும் மென்கணத்தும் இடைக்கணத்து வகரத்தும் உகரம் பெற்றும்) முடியும். எ - டு :புள்ளுக்கடிது, வள்ளுக்கடிது; சிறிது,தீது , பெரிது , ஞான்றது, நீண்டது, மாண்டது, வலிது எனவும் ; புள்ளுக்கடுமை, வள்ளுக்கடுமை; சிறுமை, தீமை, பெருமை, ஞாற்சி, நீட்சி, மாட்சி , வலிமை எனவும் வரும். இதனைத் "தொழிற் பெயரெல்லாம்" (40) என்றதன்பின் வையாத முறையன்றிய கூற்றினான். இவ்வழியும் வேற்றுமைத் திரிபு எய்தி முடிவனவும் கொள்க. புட்கடிது, வட்கடிது; சிறிது, தீது, பெரிது,ஞான்றது, நீண்டது, மாண்டது, வலிது எனவும் ; புட்கடுமை, வட்கடுமை, சிறுமை,தீமை,பெருமை, ஞாற்சி, நீட்சி, மாட்சி. வலிமை எனவும் வரும். இன்னும் அதனானே, பள் என்பதன்கண்ணும் , கள் என்பதன்கண்ணும் ; பட்கடிது, கட்கடிது ;இருவழியும் இவ்விரு முடிபு பெற்றவழிக் கொள்க. பள்ளுக்கடிது,கள்ளுக்கடிது; பள்ளுக்கடுமை, கள்ளுக்கடுமை எனவும்; பட்கடிது; பட்கடும்,கட்கடுமை எனவும் ஒட்டுக. (108)
|