இஃது, இவ்வீற்று எண்ணுப்பெயரோடு எண்ணுப்பெயருக்கு முடிபு கூறுகின்றது. ஒன்று முதலாக எட்டு என் இறுதி எல்லா எண்ணும் - ஒன்று என்னும் சொல் முதலாக எட்டு என்னும் சொல் இறுதியாகவுள்ள எல்லா எண்ணுப்பெயரும், பத்தன் முன்வரின் - பத்து என்னும் எண்ணுப்பெயர் முன் வரின், குற்றிலுகரம் மெய்யொடும் கெடும்-(அப் பத்து என்னும் சொல்லிற்) குற்றியலுகரம்(தான் ஏறி நின்ற) மெய்யொடும் கெட்டு முடியும். இரண்டு அலம் கடை முற்ற இன் வரும்- இரண்டாம் எண்ணுப்பெயர் அல்லாத எண்ணுப்பெயரிடத்து முடிய முன் வந்து புணரும். எ - டு : பதினொன்று, பதின்மூன்று, பதினான்கு, பதினைந்து, பதினாறு, பதினேழு, பதினெட்டு என வரும். நிலைமொழி முற்கூறாததனால் பிறமொழியும் அவ் இன்பேறு கொள்க. ஒன்பதின்பால், ஒன்பதின்கூறு என வரும். `முற்ற' என்றதனான், மேல் எடுத்தோத்தானும் இலேசானும் இன்பெற்றவழி பின், பதிற்றொன்று, பதிற்றிரண்டு என்றாற்போல முடிபுகள் வேறுபட வருவன வெல்லாம் கொள்க. (28)
|