3.வேற்றுமை மயங்கியல் அவ் வுருபுகளின் இயல்புகள் எதிர்மறைக்கண்ணும் வேற்றுமை ஒக்கும்
107	எதிர்மறுத்து மொழியினுந் தத்தம் மரபின் பொருள்நிலை திரியா வேற்றுமைச் சொல்லே.


விதிமுகத்தாற் கூறாது எதிர் மறுத்துக்கூறினும், தத்தமிலக்கணத்தான் வரும் பொருணிலைமை திரியா வேற்றுமையுருபு; எ-று. எ - டு: மரத்தைக் குறையான், வேலா னெறியான் என வரும். என் சொல்லியவாறோவெனின்:- குறையான், எறியான் என்றவழி வினை நிகழாமையின், மரமும் வேலுஞ் செயப்படு பொருளுங் கருவியு மெனப்படாவாயினும், எதிர்மறை வினையும் விதிவினையோடொக்கு மென்பது நூன் முடிபாகலான், ஆண்டுவந்த உருபுஞ் செயப்படு பொருண் முதலாயினவற்று மேல் வந்தன வெனப்படுமென வழுவமைத்தவாறு. பிறவுமன்ன. (24)