கொடுவென்னுஞ் சொல், முதனிலை வகையாற் படர்க்கையாயினும். தன்னைப் பிறனொருவன் போலக் கூறுங் கருத்து வகையால், தன்னிடத்துச் செல்லும்; எ - று.

எ - டு : மேற் காட்டப்பட்டது.

தன்மைக்கும் முன்னிலைக்கு முரிய தாவென்பதனானாக பொதுவாகிய ஈ யென்பதனானாகவன்றே சொல்லற்பாலது; உயர்ந்தான் அங்ஙனந் தானேற்பானாகச் சொல்லாது, கொடுவெனப் படர்க்கை வாய்பாட்டாற் சொல்லும்; ஆண்டு தன்னையே பிறன்போலக் குறித்தானாகலிற் றன்னிடத்தே யாமென இடவழு வமைத்தவாறு.

உயர்ந்தான் தமனொருவனைக் காட்டி இவற்குக் கொடு வென்னுமென்றாரால் உரையாசிரியரெனின் : - ஆண்டுப் படர்க்சைச் சொற்படர்க்கைச் சொல்லோடியைதலான் வழுவின்மையின் அமைக்கல் வேண்டாவாம் ; அதனான் அது போலியுரையென்க.