சொல்லானன்றிச் சொல்லுவான் குறிப்பாற் பொருளுணரப்படுஞ் சொல்லுமுள ; இப்பொருள் இத்தன்மைய வென்று சொல்லுதற்கண்; எ - று. எ - டு : செஞ்செவி, வெள்ளொக்கலர் என்புழி மணியும் பொன்னு மணந்த செவி என்றும் , வெளியதுடுத்த சுற்றம் என்றும் குறிப்பா னுணரப்பட்டவாறு கண்டுகொள்க. குழைகொண்டு கோழியெறியும் வாழ்க்கையர் என்புழி அன்ன பெருஞ் செல்வத்தார் என்பதூஉம் குறிப்பா னுணரப்படும். இது `தெரிபுவேறு நிலையலுங் குறிப்பிற் றோன்றலும்' (சொல் 157) என்புழி அடங்குமெனின் ஆண்டுப் பொருணிலை இருவகைத் தென்பதல்லது இன்னுழி இப்பொருள் குறிப்பிற் றோன்று மென்னும் வேறுபாடு பெறப்படாமையான் ஆண்டடங்கா தென்பது. இதுவும் மேலையோத்துக்களுள் உணர்த்துதற் கியைபின் மையான் ஈண்டுணர்த்தினார். (63) |