செய்யுளிடத்தும் வழக்கிடத்தும் இவ்வதிகாரத்தின்கண் பொருள்பெறச் சொல்லப்பட்ட சொல்லெல்லாவற்றையும் பல்வேறு செய்கையுடைய தொன்னூனெறியிற் பிழையாது சொல்லை வேறுபடுத்துணருமாற்றாற் பிரித்துக் காட்டுக; எ - று.

என்றது, `நிலப்பெயர் குடிப்பெயர்' எனவும், `அம்மாமெம் ஏம்' எனவும் பொதுவகையாற் கூறப்பட்டன . அருவாள நிலத்தானென்னும் பொருட்கண் அருவாளன் எனவும் ; சோழநிலத்தானென்னும் பொருட்கண் சோழியன் எனவும் ; இறந்தகாலத்தின்கண் உண்டனம் , உண்டாம் எனவும் ; நிகழ்காலத்தின்கண் உண்ணா நின்றனம் உண்ணா நின்றாம் , உண்கின்றாம் எனவும் ; எதிர்காலத்தின்கண் உண்குவம் உண்பாம் எனவும் வேறுபட்டு வருமன்றே ; அவ்வேறுபாடெல்லாம் கூறிற் பல்குமென்றஞ்சிக் கூறிற்றிலனாயினும் தொன்னூ னெறியிற் பிழையாமல் அவ் வேறுபாடு ணரபிரித்துக் காட்டுக நூல் வல்லாரென்றவாறாயிற்று.

இது பிற நூன் முடிந்தது தானுடம்படுதலென்னுந் தந்திரவுத்தி பிறவுமன்ன.

செய்கை விதி -

சொல்வரைந்தறிய வெனவே வரைந்தோதாது பொது வகையானோதப்பட்டவற்றின் மேற்று இப்புறனடை யென்பதாம்.

இனி ஓருரை :- செய்யுளிடத்தும் வழக்கிடத்தும் என்னாற் கிளக்கப்படாது தொன்னூலாசிரியராற் கிளக்கப்பட்டு எஞ்சி நின்ற சொல்லெல்லாவற்றையும் அவ்வத் தொன்னூனெறியிற் பிழையாமைச் சொல்லை வரைந்துணரக்கொணர்ந்து பிரித்துக்காட்டுக என்றவாறு.

என்னாற்கிளக்கப்படாது என்பது பெற்றவாறென்னை யெனின் :- கிளந்தன பிற நூலிற் கொணர்ந்து காட்டல் வேண்டாமையிற் கிளக்கப்படாதன வென்பது மென்க.

புறனடையாற் கொள்ளப்படுவன :- யானு நீயு மவனுஞ் செல்வேம் எனவும் , யானு நீயுஞ் செல்வேம் எனவும் ஏனையிடத்திற்குரிய சொல் தன்மைச் சொல்லோ டியைந்தவழித் தன்மையான் முடிதலும் அவனு நீயுஞ் சென்மின் எனப் படர்க்கைச்சொன் முன்னிலையோ டியைந்த வழி முன்னிலையான் முடிதலும் , நில்லாது பெயர்ந்த பல்லோருள்ளும் என்புழிப் பல்லே முள்ளுமெனத் தன்மையாகற் பாலது பல்லோருள்ளுமெனப் படர்க்கைப் பன்மையாயவழி அமைதலும் ,

`முரசுகெழு தானை மூவருள்ளு

மரசெனப் படுவது நினதே பெரும'(புறம்-35)

அகத்தியமுதலாயின எல்லாவிலக்கணமும் கூறலிற் பல்வேறு செய்தியினூலென்றார்.

இவ்விரண்டுரையும் இச் சூத்திரத்திற்குரையாகக் கொள்க.

எச்சிவியல் முற்றிற்று.