என் - எனின். இதுவு மோர் மரபுணர்த்தியது.

கற்புக்காலத்து நிகழாநின்ற தகையின் பக்கத்து வேட்கை மிகுதியாற் புகழ்தலை நீக்கார் என்றவாறு.

களவுக்காலத்து நலம் பாராட்டிய தலைமகன் கற்புக் காலத்து மெழினலம்¹ பாராட்டப்பெறும் என்றவாறு.

தகை என்பது அழகு. அதனைப் பற்றிப் புகழும் எனக் கொள்க.

"அணைமருள் இன்றுயில் அம்பணைத் தடமென்றோள்
துணைமலர் எழில் நீலத்² தேந்தெழில் மலருண்கண்
மணமௌவல் முகையன்ன மாவீழ்வான் நிரை³ வெண்பல்
மணநாறு நறுநுதன் மாரிவீழ்⁴ இருங்கூந்தல்
அலர்முலை யாகத் தகன்ற அல்குல்
சிலநிரை வால்வளைச் செய்யா யோவெனப்
பலபல கட்டுரை பண்டையிற் பாராட்டி".

1. மொழி நலம்.

2. ஒளி நீலத்.

3. மாநிரை.

4. மாரிமிளிரும்.