என்-னின். வெண்பாவிற்குரிய அடியுந் தளையும் வரையறுத்துணர்த்துதல் நுதலிற்று .

அளவடியும் சிந்தடியும் வெண்பாவிற்குரிய தளைவகை ஒன்றாத் தன்மைக்கண் என்றவாறு.

எனவே ஒன்றுந் தன்மைக்கண் நெடிலடியும் சில வரும் என்று கொள்க.

இச்சூத்திரத்தால் வெண்பாவிற் குரியதோர் தளை உணர்த்தினாராம். சிந்தடியாவது ஏழெழுத்து முதல் ஒன்பதெழுத்தீறாகிய அடி.அளவடி யாவது பத்தெழுத்து முதலாகப் பதினான்கெழுத்தீறாகிய அடி.தளைவகை ஒன்றாமையாவது நிலைமொழியும் வருமொழியும் ஆகிய இயற்சீர் நேராயொன்றுவதும் நிரையாயொன்றுவதுமன்றி மாறுபடவருவது.அவ்வழி நிரையீற்றியற் சீர் நிற்ப நேர்வரினும் நேரீற்றியற்சீர் நிற்பநிரை வரினும் இயற்சீர் வெண்டளையாம்.இனி ஒன்றுந் தன்மையாவது வெண்சீர் நிற்க வருஞ்சீர் முதலசையோ டொன்றுவது வெண்டளையாம். இவ்விரண்டும் வெண்பாவிற்குத் தளையாமென்று கொள்க .

"மட்டுதா னுண்டு மணஞ்சேர்ந்து விட்டுக்
களியானை கொண்டுவா வென்றான் அளியார்முன்
யாரோ வெதிர்நிற் பவர்."

'இன்றுகொல் அன்றுகொல் என்றுகொல் என்னாது'

" சென்று முகந்து நுதல்சுட்டி மாறோர்த்து
வென்று வியர்த்தா னென்கோ."

'துப்பார்க்குத் துப்பாய துப்பாக்கித் துப்பார்க்கு.'

'ஏரி னுழாஅர் உழவர் புயலென்னும்.'

'மலர்மிசை ஏகினான் மாணடி சேர்ந்தார்'

'இருள்சேர் இருவினையுஞ் சேரா இறைவன்'

'கற்றதனா லாய பயனென்கொல் வாலறிவன்'

"முகமறியார் மூதுணர்ந்தார் முள்ளெயிற்றார் காமம்
அகமறைந்தான் வாழுமென்றார மகமறையாம்
மன்னைநீ வார்குழை வையெயிற்றா யென்றோமற்
றென்னையும் வாழு மெனின்."

'படியுடையார் பற்றமைந்தக் கண்ணு மடியுடையார்.' (குறள். 606)

இது பதினாறெழுத்தான் வந்த அடி.இவையிரண்டும் நெடிலடி.