அகத்திணை இயல்
46	நிகழ்ந்தது நினைத்தற்கு ஏதுவும் ஆகும்.

இதுவும் பாலைக்கு நினைத்தற்கு மரபு உணர்த்துதல் நுதலிற்று. (இ-ள்) நிகழ்ந்தது நினைத்தற்கு ஏதுவும் ஆகும் - முன்பு நிகழ்ந்தது பின்பு விசாரித்தற்கு ஏதுவும் ஆகும். உம்மை எதிர்மறை. உதாரணம் "வேர்பிணி வெதிரத்துக் கால்பொரு நரலிசை தந்துபிணி யானை அயாவுயிர்த் தன்ன என்றூழ் நீடிய வேய்பயில் ¹அழுவத்துக் குன்றூர் மதியம் நோக்கி நின்றுநினைந்து உள்ளினேன் அல்லனோ யான்முள் எயிற்றுத் திலகந் தைஇய தேங்கமழ் திருநுதல் எமது முண்டோர் மதிநாட் டிங்கள். உரறுகுரல் வெவ்வளி எடுப்ப நிழறப உலவை யாகிய மரத்த கல்பிறங்கு மாமலை உம்பரஃ தெனவே." (நற்றிணை - 62) (46) 1.வேய்பிறங்கு.