ஏனையவர்   என    ஐம்பாற்கும்  முதனிலையாக   வருதலின்    அஃது
முதனிலையளவாய்ப் பொதுப்பட நிற்கும் எனக் கோடலே நேரிதாகும்.
 

யாறும் குளனும் காவும் ஆடிப்

பதியிகந்து நுகர்தலும் உரிய என்ப

க - து : 

பொருள் :  காமக்கிழத்தியர்  தாம்  உறையும்  இல்லையும், ஊரையும்
கடந்து  போய்த் தலைவனொடு  யாறும்  குளனும் காவும் புக்கு விளையாடி
நுகரும்  நுகர்ச்சிகளும்  அவர்க்கு  உரியவாகும்  எனக்  கூறுவர்  புலவர்.
நுகர்ச்சி பலவாதலின் 'உரிய' என்றார்.
 

பதி = உறையுமிடம். அஃது அவர்வாழும் இல்லத்தினையும் ஊரினையும்
ஒருங்குணர்த்தி   நின்றது.   பதியிகந்து   நுகர்தலும்  என்னும்   உம்மை
பதியிலிருந்து நுகர்தலேயன்றி என நிற்றலின் எச்ச உம்மையாம்.
 

"பலரிவண் ஒவ்வாய் மகிழ்ந அதனால்

அலர்தொடங் கின்றால் ஊரே மலர

தொல்நிலை மருதத்துப் பெருந்துறை

நின்னொடு ஆடினள் தண்புனல் அதுவே"

இது புனலாட்டு நுகர்ந்தது.
 

எனவருவது பொழிலாட்டு நுகர்ந்தது.
 

காமஞ் சான்ற கடைக்கோட் காலை

ஏமஞ் சான்ற மக்களொடு துவன்றி

அறம்புரி சுற்றமொடு கிழவனும் கிழத்தியும்

சிறந்தது பயிற்றல் இறந்ததன் பயனே

க - து :