"எல்லா இஃதொத்தன்" என்னும் குறிஞ்சிக்கலியுள்

பல்லார்நக் கெள்ளப் படுமடல் மாவேறி

மல்லலூர் ஆங்கண் படுமே நறுநுதல்

நல்காள் கண்மாறி விடினெனச் செல்வானாம்

எள்ளி நகினும் வரூஉம் இடையிடைக்

கள்வர் போல நோக்கினும் நோக்கும்

எனவரும். இதனுள்  எள்ளிநகினும்  வரூஉம்  எனத்தான்  எள்ளியவாறும்,
'பல்லார்நக்கெள்ள'   எனப்பிறர்   எள்ளியவாறும்    பற்றித்   தோழிக்கு
நகைதோன்றியவாறு கண்டுகொள்க.
 

2. இளமையாவது : அகவைசாலா  மழவுத்தன்மை. இது பண்பு  பற்றிய
செயல். இதுவும் இருபாலும் பற்றி வரும்.
 

திறனல்ல யாங்கழற யாரை நகுமிம்

மகனல்லான் பெற்ற மகன்

இது தனது இளமைபற்றித் தோன்றிய நகை.
 

இது பிறர் இளமை காரணமாகப் பிறந்த நகை.
 

3. பேதைமையாவது : விளைவறியா    வளமில்அறிவு.   கேட்டதனை
உய்த்துணராது மெய்யாகக் கோடல் என்பார் இளம்பூரணர். இதுவும்  பண்பு
பற்றிய செயலாம். இதுவும் இருபாலும் பற்றிவரும்.
 

எ - டு :

இது, தன்பேதைமை காரணமாகப் பிறந்த நகை.
 

இது, பிறர்பேதைமை காரணமாகத் தோன்றிய நகை.
 

4. மடனாவது :வெள்ளறிவு.   கொளுத்தக்    கொண்டு   கொண்டது
விடாமை என்பார் உரையாசிரியர். இதுவும்  பண்பு  பற்றியதாகும்.  இதுவும்
இருபாலும் பற்றிவரும்.
 

குறிக்கொண்டு நோக்காமை யல்லா லொருகண்

சிறக்கணித்தாள் போல நகும்

இது தனது மடப்பங் காரணமாகப் பிறந்த நகை.
 

நாம்நகை யுடையம் நெஞ்சே நம்மொடு

தான்வரு மென்ப தடமென் றோளி

இது பிறர் மடப்பம் பற்றித் தோன்றிய நகை.