சிறப்பு,   நலன்,  வலி  என்பவை   அப்பொருளின்கண் அமைந்துள்ள
பண்புகள். காதல்  என்பது கூறுவோன்  அப்பொருளின்கண்  கொண்டுள்ள
பேரன்பு. சிறப்பாவது : கருதி மகிழத்தக்க உயர்வு.
 

முரசுமுழங்கு தானை மூவரும் கூடி 

அரசவை யிருந்த தோற்றம் போலப் 

பாடல் பற்றிய பயனுடை எழாஅல்  

எனவரும்.  மூவேந்தரும்  ஒருங்கு  இணைந்துறைதல் அரிதாக நிகழ்தலின்
சிறப்புடைத்தாயிற்று.   அவ்வுவமத்தான்   கூத்தும்  இசையும்  வாச்சியமும்
ஒருங்கொத்து நிகழ்கின்றமையைப்   புலப்படுத்தலின் அப்பாடலின்  சிறப்பு
உணர்த்தப்பட்டவாறு   கண்டு   கொள்க.  நலனாவது : வனப்பு  முதலிய
கவினுறு பண்புகள்.
 

எ - டு :

இதன்கண்   புனையப்பெறும்   ஒவியத்தை   உவமங்  கூறியவதனான்
வளமனையின் செயற்கையழகு புலப்படுமாறு  கண்டு கொள்க.  காதலாவது :
தன்னலம் விழையாத பேரன்பு.
 

என்கைக் கொண்டுதன் கண்ணொற்றியும் 

தன்கைக் கொண்டென் நன்னுதல் நீவியும் 

அன்னை போல இனிய கூறியும்  

இதன்கண்   கைம்மாறு   கருதாத  அன்னையை உவமங் கூறியதனான் தலைவனது    பேரன்பு    புலனாதலைக்   கண்டுகொள்க.   வலியாவது :
மாற்றருந்துப்பு.
 

எ - டு :

இதன்கண்   அரிமாவினை   உவமங்   கூறியதனான்  வளவனின் பிற
பண்புகளினும் மிக்க அவனது வலிமை புலனாதல் காண்க.
 

சூ. 281 :

க - து :

பொருள் :உவமங்   கூறுதற்கு     நிலைக்களமென      மேற்கூறிய
நான்குமேயன்றிக் கிழக்கிடு பொருளொடு  கூடி   ஐந்தாக   வருதலுமாகும்
எனக் கூறுவர் புலவர்.
 

கிழக்கிடுதல்  =  தாழ்வுறல்.  இதனைக்  ''கிளைஇய  குரலே   கிழக்கு
வீழ்ந்தனவே'' (குறு-337) என்பதனான் அறிக. இதனான் தாழ்ந்த பொருளும்
உவமமாகக்   கூறுதற்குரிய   நிலைக்களனாக வருமென்பதாயிற்று. ஈண்டுப்
பொருளென்றது பண்பினைச் சுட்டி