“குன்ற வெண்மண லேறி நின்றுநின்
றின்னுங் காண்கம் வம்மோ தோழி
களிறுங் கந்தும் போல நளிகடற்
கூம்புங் கலனுந் தோன்றுந்
தோன்றன் மறந்தோர் துறைகெழு நாட்டே.”
  

வருகின்றாரெனக் கேட்ட தலைவி தோழிக்கு உரைத்தது இது பின்பனி நின்ற காலம்⁵ வரைவின்றி வந்தது.
  

கடலிடைக்     கலத்தைச்  செலுத்துதற்கு உரிய காற்றொரு பட்ட காலம் யாதானுங்⁶ கொள்க. ‘ஆகும்’
என்றதனால்  வேத  வணிகரும்  பொருளின்றி   இல்லறம்   நிகழாத  காலத்தாயிற்  செந்நீ  வழிபடுதற்கு
உரியோரை நாட்டிக் கலத்திற் பிரிதற்கு உரியரென்று கொள்க.
  

13. இருவகைப் . . . . . . புலவர்
  

பாரதியார்
  

கருத்து :-  இது  முதிர்வேனிலிற்  பிரிந்தார்  கார் காலத்து  மீண்டு  வந்து  கூடலும்,  பின்பனிக்காலம்
பிரிந்தார் இளவேனிலில் கூடலும், மரபென்பதை விளக்குகிறது.
  

பொருள் :- இருவகைப்  பிரிவு  -  முன்னையிரு  சூத்திரங்களிலும்   கூறப்பெற்ற  வேனிற்  பிரிவும்,
பின்பனிப்பிரிவும்;   நிலைபெறத்   தோன்றினும்-பிரிதல்  நிமித்தங்களாக   அமையாது,   பிரிந்து  நின்ற
பாலையாகவே  உருப்படினும்;  உரியதாகும்   என்மனார்  புலவர்-அது   பாலைக்குரியதேயாகும்  என்று
கூறுவர் புலவர்.
  

குறிப்பு :- இதில் இருவகைப்  பிரிவென்பதற்கு  உரையாசிரிய ரிருவரும் இரு வேறுரைகள் தருவாராவர்.
தொல்காப்பியர்  தம்  இலக்கண  நூலில்  யாண்டும்   தாம்   நுதலும்   பொருளை  ஐயமற  வரையறுத்து
விளக்குவதைக் கடனாகக் கொண்

5. பின்பனி நீங்கிய காலம்
  

6. இளவேனிலாவது முதுவேனிலாவது