பெயருடையார்  மேல்  தொழிற்  பெயராகி  வந்தது.⁴ “வந்தது  கொண்டு  வாராதது முடித்தல்” (மரபு - 112)
என்பதனான்⁵   ஆய்ச்சியர்    எனவும்    கொள்க.    அவ்விருத்திறத்தாரும்⁶   காடு   பற்றி  வாழ்தலின்
அந்நிலத்தின்   மக்களாயினார்.   அவ்வயின்   வரூஉம்   கிழவர்   இருவகையர்.   அந்நிலத்தை   ஆட்சி
பெற்றோரும்,   அந்நிலத்து   உள்ளோரும்  என.  ‘குறும்பொறை நாடன்’  என்பது போல்வன ஆட்சி பற்றி
வரும். ‘பொதுவன், ஆயன், என்பன குலம் பற்றி வரும்.^*     

  (23)

நச்சினார்க்கினியர்
  

23. ஆயர் வேட்டுவ.................முளரே
  

இது   முன்னர்த்   திணைதொறுமரீஇய  பெயருடையோரிலுந்திணை  நிலைப்பெயராகிய  தலைமக்களாய்
வழங்குவாரும் உளரென முல்லைக்குங் குறிஞ்சிக்கும் எய்தாததெய்துவித்தது.
  

இதன்  பொருள்:  ஆடூஉத்  திணைப்பெயர்  -  முற்கூறிய  ஆண்  மக்களாகிய  திணைதொறு மரீஇய
பெயர்களுள்,  ஆயர்  வேட்டுவர்  வரூஉங்  கிழவரும்  உளர் - ஆயரிலும் வேட்டுவரிலும் வருங் கிழவரும்
உளர், ஆவயின் - அவ்விடத்து வருந் தலைவியரும் உளர் என்றவாறு.
  

ஆயர்    வேட்டுவரென்னும்   இரண்டு   பெயரே   எடுத்தோதினாரேனும்   ஒன்றென   முடித்தலான்
அந்நிலங்கட்கு உரிய ஏனைப் பெயர்களான் வருவனவுங் கொள்க¹

4. எயினர் பாலை நிலப்பெயர் இவர் கூறியது தவறு.
  

5. வந்தது ஆண்பாற் பெயர்; வாராதது பெண்பாற் பெயர்
  

6. நிலப்  பெயர்,  தொழிற் பெயர் உடையார். ஆயர் நிலப்பெயர் என்பதும் வேட்டுவர் தொழிற் பெயர்
என்பதும் இவர் கருத்து.
  

* இச்சூத்திரம்  முல்லை  நிலம்  பற்றியது என்பது இளம் பூரணர் கருத்து. நச்சினார்க்கினியர் முல்லை
குறிஞ்சி நிலங்கள் பற்றியது என்பர்
  

1. முன் சூத்திரத்தில் இவர் காட்டிய உதாரணங்களிற் காண்க.