குன்றுபனி கொள்ளுஞ் சாரல்
இன்றுகொல் தோழி அவர்சென்ற நாட்டே.”
|
இஃது இருத்தற் பொருண்மைக்கண் வந்ததேனும், முதற்பொருளானும் கருப்பொருளானும்
குறிஞ்சியாயிற்று.11
|
“வாடாத சான்றோர் வரவெதிர் கொண்டிராய்க்
கோடாது நீர்கொடுப்பி னல்லது - கோடா
எழிலு முலையும் இரண்டிற்கு முந்நீர்ப்
பொழிலும் விலையாமோ போந்து.” |
(திணைமாலைநூற்-15)
|
இது கற்பிற் புணர்வு; பொருளாற் குறிஞ்சியாயிற்று12.
|
“படாஅ தோழி யெங்கண்ணே கொடுவரி
கொன்முரண் யானை கனவு
நன்மலை நாடன் நசையி னானே.”
|
இஃது இரங்கற்பொருண்மையேனும் முதற்பொருளானும் கருப்பொருளானும் குறிஞ்சியாயிற்று13. பிறவும்
அன்ன.
|
பாலைத்திணைக்குச் செய்யுள்.
|
“அறியாய் வாழி தோழி இருளற
விசும்புடன் விளக்கும் விரைசெலல் திகிரிக்
கடுங்கதிர் எறித்த விடுவாய் நிறைய
|
|
11. ‘அவர் சென்ற நாட்டில் குன்றுபனி படரும் சாரல் இன்று சொல் எனத்தலைவி கூறி
ஆற்றியிருப்பது முல்லை யுரிப்பொருள். குன்று சாரல் குறிஞ்சி முதற்பொருள்.தினை, கிளி சுனை
குறிஞ்சிக் கருப்பொருள்.
|
12. தோழி அறத்தொடு நின்றது, தலைவியைத் தலைவனுக்கு மணம் செய்து கொடுக்க எனக்களவை
வெளிப்படுத்தலின் களவொழுக்கத்தின் பாற்பட்டதாயினும் கற்பாகும். களவுவெளிப்பாடே கற்பாகும்
ஆதலின், பொருள் என்ற அறத்தொடு நிற்றலாகிய உரிப்பொருள்.
|
13. ‘மலைநாடனை விரும்பியதால் என் கண்கள் துயிலா’ எனத்தலைவி கூறியிரங்குதலின்
நெய்தற்குரிய இரங்கல் உரிப்பொருளாயினும் புலி யானைகளால் கருப்பொருளும் மலைநாடன் என்பதால்
நில முதற்பொருளும் வந்தனவாம். |