இளம்பூரணர்
  

28. அவற்றுள்............................மேன
  

இது   மேற்கூறப்பட்டவற்றுள்  ஓதற்கும்  தூது போதற்கும் உரிய தலைமக்களை உணர்த்துதல் நுதலிற்று.
  

(இ-ள்)     அவற்றுள் -  மேற்கூறப்பட்டவற்றுள்,   ஓதலும் தூதும்-ஓதல் காரணமாகப் பிரியும் பிரிவும்,
தூதாகிப்  பிரியும்  பிரிவும்   உயர்ந்தோர்மேன  -    நால்வகை  வருணத்தினும் உயர்ந்த அந்தணர்க்கும்
அரசர்க்கும் உரிய.
  

இவர்    ஒழுக்கத்தானும்    குணத்தானும்    செல்வத்தானும்    ஏனையரினும்   உயர்புடையராதலின்
“உயர்ந்தோர்‘ என்றார். அரசர்தாம் தூதாகியவாறு வாசுதேவனால்¹ உணர்க.
  

“வயலைக் கொடியின் வாடிய மருங்குல்
உயவ லூர்திப் பயலைப் பார்ப்பான்
எல்லி வந்து நில்லாது புக்குச்
சொல்லிய சொல்லுச் சிலவே யதற்கே.
ஏணியுஞ் சீப்பும் மாற்றி
மாண்வினை யானையு மணிகளைந் தனனே.”  

  (புறம்-305)
 

இதனுள் பார்ப்பார் தூதாகியவாறு கண்டுகொள்க.
  

26. நச்சினார்க்கினியர்
  

இது முற்கூறியவற்றுள் அந்தணர் முதலிய மூவர்க்கும் இரண்டு பிரிவு உரித்தென்கிறது.
  

(இ-ள்)  அவற்றுள்  -  அம்மூன்றனுள்;  ஓதலும்  தூதும்  உயர்ந்தோர்  மேன  - ஓதற் பிரிவும் தூதிற்
பிரிவும் அந்தணர் முதலிய மூவரிடத்தன² என்றவாறு.

1. வசுதேவன் மகன் வாசுதேவன் - கண்ணன்
2. இளம்பூரணர் உயர்ந்தோராவார் அந்தணர் அரசர் என்ன இவர் வணிகரையும் சேர்த்தார்.