பெரும்பெயல் விடியல் விரித்துவிட் டன்ன
நறுந்தண்ணியளே; நன்மாமேனி
புனற்புணையன்ன சாயிறைப் பணைத்தோள்
மணத்தலும் தணத்தலு மிலமே;
பிரியின் வாழ்தல் அதனினு மிலமே.” |
(குறுந்-168)
|
“மல்குசுனை உலர்ந்த நல்கூர் சுரமுதல்
குமரி வாகைக்கோலுடை நறுவீ
மடமாத் தோகைக் குடுமியிற் றோன்றும்
கான நீளிடைத்தானும் நம்மொ
டொன்றுமணம் செய்தன ளிவளெனில்
நன்றே நெஞ்சம் நயந்தநின் துணிவே.”
|
என்ற குறுந்தொகை (347) பாட்டிலும், அன்பினதகலமும் அகற்சிய தருமையும் ஒன்றாப்
பொருள்வயின் ஊக்குதல் உணர்க.
|
இனிஓதற் பிரிவில் கூற்று நிகழ்தற்குச் செய்யுள்:
|
“பொய்யற்ற கேள்வியாற் புரையோரைப் படர்ந்துநீ
மையற்ற படிவத்தான் மறுத்தரல் ஒல்வதோ?
தீங்கதிர் மதியேய்க்கும் திருமுகம், அம்முகம்
பாம்புசேர் மதிபோலப் பசப்பூர்ந்து தொலைந்தக்கால்.”
|
என்னும் பாலைக்கலித் (14) தாழிசையில் ‘வாயின்வகுத்த கல்விப் பகுதியின் ஊதியங்கருதிய’
தலைவன் பிரிவருமை காண்க.
|
“பின்னிய தொடர்நீவிப் பிறர்நாட்டுப் படர்ந்துநீ
மன்னிய புணர்ச்சியான் மறுத்தரல் ஒல்வதோ?
புரியவிழ் நறுநீலம் புரையுண்கண் கலுழ்பானாத்
திரியுமிழ் நெய்யேபோற் றெண்பனி யுறைக்குங்கால்”
|
என்பதால், ‘கையின் வகுத்த கல்விப்பகுதியின் ஊதியங் கருதித்’ தலைவன் பிரிந்தமை அறிக.
இப்பிரிவுகளில் தலைவன் கூற்று வந்துழிக் கண்டு கொள்க.
|
புகழும் மானமும் எடுத்து வற்புறுத்தும் தலைவன் கூற்றுக்குச் செய்யுள்:
|
“நாளும் நாளும் ஆள்வினை யழுங்க
இல்லிருந்து மகிழ்வோர்க் கில்லையாற் புகழென- |