பெருந்தே னிழைக்கு நாடனொடு நட்பே.” |
(குறுந்-2)
|
என்பதுமியன் மொழிதலாம்.
|
பரத்தை தலைவி பாங்காயினார் கேட்பக் கூறியதற்குச் செய்யுள்:
|
“கழனி மாத்து வளைந்துகு தீம்பழம்
பழன வாளை கதூஉ மூரன்,
எம்மிற் பெருமொழி கூறித், தம்மிற்
கையுங் காலுந் தூக்கத் தூக்கு
மாடிப் பாவை போல,
மேவன செய்யுந்தன் புதல்வன் தாய்க்கே.” |
(குறுந்-8)
|
“கணைக்கோட்டு வாளை கமஞ்சூன் மடநாகு
துணர்ந்தேன் கொக்கின் தீம்பழங் கதூஉந்
தொன்றுமுதிர் வேளிர் குன்றூர்க், குணாது
தண்பெரும் பௌவ மணங்குக, தோழி!
மனையோண் மடமையிற் புலக்கும்
அனையே மகிழ்நற்கியா மாயின மெனினே.”
|
என்னும் குறுந்தொகை (164) செய்யுள் காதற்பரத்தை தலை மகட்குப் பாங்காயினார் கேட்ப
உரைத்ததாகும்.
|
சிவலிங்கனார்
|
இச்சூத்திரம் கைக்கிளை பெருந்திணைகள் அகத்திணையில் கலந்து வருமாறு கூறுகின்றது.
|
(இ-ள்) ஐந்திணை நிலங்களில் விரவிவரும் கைக்கிளை பெருந்திணைகள் புலனெறி மரபுக்கு மாறுபடாத
சிறப்புடையனலாய் அகத்திணை யொழுக்கங்களில் விரவி வரும் என்று கூறுவர் நூலோர் என்றவாறு.
|
விரவும் பொருள் என்பதால் தமக்கென நிலம் இல்லாமையால் எந்நிலத்தும் விரவும் பொருள்
எனக்கொண்டு கைக்கிளை பெருந்திணை என்பதும் மீண்டும் விரவும் என்பதால் அவை அகன்
ஐந்திணைக்கண் விரவி வரும் என்பதும் கொள்க. |