(இ-ள்) பனிஎதிர் பருவமும் உரித்து எனமொழிப முன் பனிக்காலமும் உரித்தென்று சொல்லுவர்.¹
 

இதனைக்  கூதிர்க்  காலத்தோடு  ஒருங்கு  கூறாமையின், அத்துணைச் சிறப்பிற்று அன்றெனக் கொள்க.
குறிஞ்சி என்றது அதிகாரத்தான் வந்தது.
  

முன்பனிக்   காலமாவது   மார்கழித்  திங்களும்  தைத்திங்களும்.  உம்மை  இறந்தது  தழீஇய²  எச்ச
உம்மை.

(8)
 

நச்சினார்க்கினியர்
  

8. பனியெதிர்..............................மொழிப.
  

இஃது எய்தியதன்மேற் சிறப்புவிதி கூறியது; முற்கூறிய குறிஞ்சிக்கு முன்பனியும் உரித்தென்றலின்.
  

இதன் பொருள் :- பனிஎதிர் பருவமும்  உரித்துஎன மொழிப - பனி  முற்பட்ட பருவமுங்  குறிஞ்சிக்கு
உரித்தென்று கூறுவர் ஆசிரியர் என்றவாறு.
  

எதிர்தலென்பது முன்னாதல்; எனவே, முன்பனியாயிற்று. அது ஞாயிறுபட்ட அந்திக்கண் வரும்
  

உரித்தென்றதனாற் கூதிர்பெற்ற யாமமும் முன்பனி பெற்றுவரும் எனக்கொள்க.
 

உதாரணம்:
  

“பனியடூஉ நின்ற பானாட் கங்குற்
றமியோர் மதுகை தூக்காய் தண்ணென
முனிய வலைத்தி முரணில் காலை.”

(அகம்-124)
 

என முன்பனியாமங் குறிஞ்சிக் கண் வந்தது.

1. குறிஞ்சிக்கு உரித்தென்று சொல்லுவர்.
  

2. முன் சூத்திரத்துக்கூறிய கூதிர்ப் பருவத்தைத்தழுவியது.